FLASH
Shkruar nga Pamfleti
Të paktën 217 persona kanë humbur jetën nga përmbytjet në Spanjë, ndërsa numri i tyre pritet të rritet edhe më shumë me kalimin e orëve, ndërsa shpresat për gjetjen e të mbijetuarve po shuhen.
Sot, Mbreti Felipe, Mbretëresha Letizia dhe kryeministri Pedro Sanchez pritet të vizitojnë Spanjën juglindore, e cila është goditur nga fatkeqësia më e keqe natyrore në historinë e fundit të vendit.
Ditën e djeshme Sanchez njoftoi vendosjen e një shtesë prej 5,000 trupash për të ndihmuar në kërkimin e personave të zhdukur, duke e çuar totalin në 7,500.
Ky është “dislokimi më i madh i forcave të armatosura që ka ndodhur ndonjëherë në Spanjë në kohë paqeje”, u shpreh Sanchez.
Ushtrisë i bashkohen edhe 5000 policë dhe xhandarë që shkuan për të mbështetur 5000 kolegët e tjerë në terren. Këto përforcime priten me padurim në disa komunitete ku edhe disa ditë pas tragjedisë situata ende cilësohet si kaotike.
Sipas Shërbimit Meteorologjik Spanjoll (AEMET), reshjet në vend ishin të barabarta me ato të regjistruara “në një vit” brenda pak orësh.
Lini një Përgjigje