FLASH
Shkruar nga Pamfleti
Drejtori i Agjencisë Qendrore të Inteligjencës Amerikane (CIA) William Burns bëri një vizitë sekrete në Kinë në maj, gjatë së cilës u takua me përfaqësues të komunitetit të inteligjencës kineze.
Në një raport të publikuar nga Financial Times të premten, drejtori Burns vizitoi Pekinin muajin e kaluar, ku u takua me kolegët e tij kinezë dhe theksoi rëndësinë e mbajtjes së linjave të hapura të komunikimit përmes kanaleve të inteligjencës, thuhej në botim.
Nga ana tjetër Shtëpia e Bardhë dhe CIA nuk pranuan të komentojnë mbi informacionin. Sipas gazetës, vizita e Burns në Pekin tregon nivelin e shqetësimit të administratës së presidentit amerikan Joe Biden për përkeqësimin e marrëdhënieve me Kinën.
Financial Times vuri në dukje se drejtori i CIA-s u bë anëtari më i lartë i administratës aktuale të Uashingtonit që vizitoi Kinën.
Lini një Përgjigje