FLASH
Shkruar nga Pamfleti
Në Emiratet e Bashkuara Arabe, një ekip i CNN në Dubai raportoi shpërthime të shumta gjatë mëngjesit dhe prani tymi në qiell.
Irani nisi një valë të re sulmesh në Lindjen e Mesme të dielën në mëngjes, pas konfirmimit të vdekjes së liderit suprem, Ali Khamenei. Shpërthime u dëgjuan në disa kryeqytete dhe qytete të mëdha të rajonit, sipas raportimeve të CNN.
Korpusi i Gardës Revolucionare Islamike (IRGC) njoftoi se ndërmori “valën e gjashtë” të sulmeve me raketa dhe dronë kundër Izraelit dhe bazave amerikane në rajon. Agjencia gjysmëzyrtare iraniane Tasnim citoi deklaratën e IRGC-së, pa dhënë detaje të mëtejshme mbi objektivat specifike.
Në Izrael, ushtria izraelite deklaroi se identifikoi raketa të lëshuara nga Irani drejt territorit izraelit dhe aktivizoi sistemet e mbrojtjes ajrore. Sirena alarmi u dëgjuan në pjesën qendrore dhe jugore të vendit.
Në Emiratet e Bashkuara Arabe, një ekip i CNN në Dubai raportoi shpërthime të shumta gjatë mëngjesit dhe prani tymi në qiell. Autoritetet njoftuan se mbetjet nga një përgjim ajror mbi zonën Business Bay shkaktuan zjarr në portin tregtar Jebel Ali. Re tymi u panë mbi zonën e portit.
Në Katar, në Doha raportuan disa shpërthime të forta rreth orës 7:30 sipas kohës lokale. Ministria e Brendshme e Katarit bëri të ditur se 16 persona u plagosën dhe se dëmet materiale janë të kufizuara në disa zona.
Në Bahrein, pamje tregojnë tym pranë hotelit Crowne Plaza në Manama. Ministria e Brendshme aktivizoi sirenat paralajmëruese dhe u bëri thirrje banorëve të qëndrojnë të qetë dhe të drejtohen në vendet më të afërta të sigurta.
Unbelievable footage from inside the Era Toëer in Manama (Bahrain ????????), filming the Iranian Shahed drones as it slams into the buildings, just several floors up from the POV https://t.co/nYPUgTmcJy pic.tëitter.com/cAagZUSnvO
— Thomas van Linge (@ThomasVLinge) February 28, 2026
Në Irak, fotografitë tregojnë tym të zi që ngrihet nga një zjarr në Aeroportin e Erbilit. Agjencia iraniane Fars raportoi se në qytet u dëgjuan shpërthime të forta të dielën në mëngjes.
Chaos in Baghdad this morning as pro-Iran regime protestors attempted to breach the Green Zone, reportedly trying to get to the U.S. embassy. pic.tëitter.com/OpZPZUL3Oq
— OSINTtechnical (@Osinttechnical) March 1, 2026
Autoritetet në vendet e prekura vijojnë të vlerësojnë situatën. Deri tani nuk ka një bilanc të plotë mbi pasojat e sulmeve në të gjithë rajonin.
Lini një Përgjigje