FLASH
Shkruar nga Pamfleti
Situata e shkaktuar nga moti i keq në Norvegji si pasojë e erërave të forta dhe reshjeve të dendura i ngjan asaj të një Apokalipsi.
Një digë në jug të Norvegjisë u shemb pjesërisht të mërkurën pas ditë të tëra reshjesh të dendura që shkaktuan rrëshqitje toke dhe përmbytje në rajonet malore dhe detyruan komunitetet të braktisnin shtëpitë e tyre.
Autoritetet fillimisht shqyrtuan hedhjen në erë të një pjese të digës që ushqen një impiant hidroelektrik për të shmangur përmbytjen e fshatrave të banuara, por ideja u anulua pasi uji depërtoi përmes strukturës.
“Shpresojmë se do të kemi një nivelim gradual të ujit, duke arritur deri në nivelin e duhur”, deklaroi Fredrik Thomson, një zëdhënës i policisë.
Impianti i energjisë në Glama, lumi më i gjatë dhe më voluminoz i Norvegjisë, ishte nën nivelin e duhur të ujit dhe jashtë funksionit.
Por për orë të tëra, uji u mblodh prapa digës. Më pas, një parking pranë stacionit energjetik u përmbyt dhe shumë shpejt uji filloi të rridhte përmes një krisjeje në strukturën e digës. Uji ndau në dysh një rrugë me dy korsi dhe gardhet që shtriheshin në majë të digës.
Lini një Përgjigje