FLASH
Shkruar nga Pamfleti
Irani ka reaguar ndaj një propozimi të bërë nga presidenti amerikan Donald Trump, duke i cilësuar kërkesat si “të tepërta” dhe të papranueshme, pas shqyrtimit të planit 15-pikësh.
Deklarata vjen nga një zyrtar i cituar nga televizioni shtetëror iranian, i cili theksoi se vendi nuk do të pranojë kushte të imponuara nga jashtë.
Sipas zyrtarit, Teherani ka shqyrtuar ofertën, por qëndrimi mbetet i prerë: përfundimi i luftës do të ndodhë vetëm nëse plotësohen kushtet e Iranit dhe në kohën që vendos vetë Irani.
“Irani nuk do të lejojë që Presidenti i SHBA-së, Donald Trump, të diktojë kohën e përfundimit të luftës”, u shpreh ai.
Nëpërmjet një ndërmjetësi, Irani i ka komunikuar Shteteve të Bashkuara se do të vazhdojë të mbrohet përballë çdo kërcënimi. Një nga kushtet kryesore të vendosura nga Teherani për përfundimin e konfliktit është ndalimi i menjëhershëm i sulmeve ndaj territorit iranian.
Deklaratat tregojnë për një qëndrim të ashpër të Iranit në raport me presionin ndërkombëtar dhe sugjerojnë se negociatat mbeten të vështira.
Lini një Përgjigje