FLASH
Shkruar nga Pamfleti
Atentati ndaj kryeministrit sllovak Robert Fico sot jashtë Shtëpisë së Kulturës në qytetin Handlova, ku kryeministri po zhvillonte një takim me mbështetësit e tij, nuk është i vetmi.
Vitet e fundit udhëheqës të tjerë në politikë kanë qenë në shënjestër e sulmeve të armatosura, apo edhe të vrarë.
Ish-kryeministri japonez, Shinzo Abe, 2022
Më 8 korrik 2022, ish-kryeministri japonez Shinzo Abe u sulmua me armë gjatë një mitingu zgjedhor në Nara (perëndim). I goditur nga dy plumba në qafë, u shpall i vdekur pak orë më vonë.
Vrasësi i tij i dyshuar, i arrestuar menjëherë pas incidentit, e akuzoi atë për marrëdhëniet e tij të supozuara me Kishën e Unifikimit, me nofkën “sekti i Hënës”, i akuzuar për ushtrim të presionit të fortë financiar ndaj ndjekësve të saj në Japoni.
Trashëgimtari i një dinastie politike, Abe mban rekordin për jetëgjatësinë si kryeministër në Japoni, të cilin e mbajti në vitet 2006-2007, më pas nga 2012 në 2020.
Zëvendëspresidentja argjentinase Cristina Kirchner, 2022
Më 1 shtator 2022, një burrë i drejtoi një armë në kokë zëvendëspresidentes argjentinase Cristina Kirchner, ndërsa ajo ndodhej me mbështetësit jashtë shtëpisë së saj në Buenos Aires, por fatmirësisht nuk u shkrep arma.
Pasi u arrestua, agresori tha se veprimi i tij erdhi “nga situata në vend”.
Ish-presidentja (2007-2015), Cristina Kirchner, u dënua në fund të vitit 2022 me gjashtë vite burg për mashtrim dhe korrupsion, e cila përmendi kështu financimin privat të sulmit “të identifikuar me qeverinë” të paraardhësit të saj, liberalit Mauricio Macri (2015-2019).
Ish-kryeministri pakistanez, Imran Khan, 2022
Në nëntor të të njëjtit vit, ish-kryeministri pakistanez Imran Khan u qëllua në këmbë ndërsa kamioni me të cilin po udhëtonte po kalonte në Wazirabad (lindje).
Në një video të publikuar nga policia, sulmuesi tha se ai e sulmoi pasi besonte se Imran Khan ishte kundër Islamit.
Presidenti haitian Jovenel Moise, 2021
Presidenti haitian, Jovenel Moise u qëllua dhe u vra në mes të natës më 7 korrik 2021, në rezidencën e tij private në Port-au-Prince nga një komando i armatosur i përbërë nga 28 persona që paraqiteshin si agjentë të Agjencisë së Shteteve të Bashkuara Kundër Drogës.
Tre nga sulmuesit u vranë dhe rreth njëzet individë, duke përfshirë 18 ish-ushtarë kolumbianë, u arrestuan. Një hetim amerikan zbuloi se dy persona, në krye të një kompanie sigurie në Miami, kishin planifikuar të rrëmbenin Jovenel Moïse për ta zëvendësuar atë me një amerikano-haitian.
Ish-presidenti brazilian, Jair Bolsonaro, 2018
Ish-presidenti brazilian i ekstremit të djathtë (2019-2022), Jair Bolsonaro, u godit me thikë në bark në shtator të vitit 2018 dhe u plagos rëndë gjatë një turi në Minas Gerais (jug-lindje), gjatë fushatës elektorale presidenciale.
Ai iu nënshtrua disa operacioneve dhe arriti të mbijetojë pasi gjendja e tij u paraqit kritike për jetën.
Në vitin 2023 deri në vitin 2030 ai u gjykua për denigrimin pa prova të besueshmërisë së sistemit elektronik të votimit të përdorur për zgjedhjet presidenciale të 2022, ku dështoi ndaj Lulës.
Lini një Përgjigje