FLASH
Shkruar nga Pamfleti
Lideri rebel Abu Mohammed al-Jolani, ka folur për rënien e regjimit të Bashar al-Asadit, si dhe për strategjinë e vendit të tij. Ai u shpreh se revolucioni në Siri ka triumfuar plotësisht, por ne nuk duhet të adoptojmë praktika hakmarrëse.
Siç raportohet nga Times of Israel, al-Golani, udhëheqësi i grupit rebel islamik sirian Hayat Tahrir al-Sham (HTS) tha se Izraeli nuk ka më "justifikime të tjera" për të kryer sulme ajrore në Siri.
Në një intervistë me një kanal televiziv sirian, ai tha se sulmet e fundit të IDF në tokën siriane kanë kaluar "vijat e kuqe" dhe kanë çuar në një përshkallëzim të pajustifikuar në rajon. Gjatë një bombardimi të ri javën e kaluar, ushtria izraelite goditi më shumë se 350 objektiva në Siri për të hequr rezervat e armëve strategjike, duke parandaluar kështu që pajisjet e avancuara të regjimit të Asadit të binin në duart e armikut.
Pa përmendur në mënyrë specifike Izraelin, Al-Sharaa nënkupton se nën udhëheqjen e tij, Siria nuk do të sulmojë shtetin izraelit. Ai thotë se në këtë fazë Siria nuk do të tërhiqet në konflikte që mund të çojnë në shkatërrim të mëtejshëm, me rindërtimin dhe stabilitetin si prioritete kryesore.
Al-Jolani shton se prania e Iranit në Siri përbënte një rrezik të madh për vetë Sirinë, për vendet fqinje dhe për Gjirin.
"Ne ia dolëm t'i jepnim fund pranisë iraniane në Siri, por ne nuk jemi armiq të popullit iranian", u shpreh ai.
Lini një Përgjigje