FLASH
Shkruar nga Pamfleti
Rritja e monitorimit të aktiviteteve detare ruse pranë ujërave britanike dhe një paralajmërim për Vladimir Putin: “ne e dimë se çfarë po bëni dhe nuk do të tërhiqemi nga përdorimi i masave të forta për të mbrojtur Britaninë”.
Nëse ato në përgjithësi zhvillohen në fshehtësi, lojërat e luftës që shohin Rusinë të pozicionuar kundër Mbretërisë së Bashkuar dhe kontinentit evropian shfaqen ditët e fundit për shkak të lëvizjeve të anijes Yantar, që Moska e përdor - sipas ministrit të mbrojtjes së Londrës, John Healey – për të mbledhur informacione dhe për të hartuar infrastrukturën nënujore.
Healey informoi parlamentin në Westminster se ai kishte ndryshuar rregullat e angazhimit të marinës për të lejuar anijet britanike të afroheshin ndaj Yantar dhe të monitoronin aktivitetet e saj.
Tashmë në nëntor, saktësoi ministri, një nëndetëse britanike kishte marrë urdhër të ngrihej në sipërfaqe për të larguar Yantarin nga "një pikë strategjike" ku ndodhen kabllot dhe kanalet e thella.
Yantar kishte lënë ujërat britanike dhe ishte nisur për në Mesdhe, vetëm për t'u kthyer në Kanal të hënën , kur iu afrua përsëri një nëndetëse dhe u shoqërua në Detin e Veriut nga dy anije detare, Somerset dhe Tyne.
"Është një shembull tjetër - nënvizoi Healey në Commons - i agresionit rus në rritje ndaj Mbretërisë së Bashkuar dhe aleatëve tanë jashtë vendit".
“Drejtorët e MI6 dhe CIA – shtoi ai – akuzuan së fundmi Rusinë se kishte ndërmarrë një fushatë sabotimi . Avionët ushtarakë rusë hyjnë rregullisht në hapësirën ajrore të monitoruar nga ne”, tha ai.
Healey kujtoi gjithashtu rastin e dëmtimit të 4 kabllove nënujore të telekomunikacionit në Detin Baltik , pas të cilit Finlanda theksoi rrezikun e paraqitur "nga flota fantazmë e anijeve ruse" .
Lini një Përgjigje