FLASH
Shkruar nga Pamfleti
Të tjera detaje po dalin në pah lidhur me tragjedinë ajrore që ndodhi mbrëmjen e së martës në Turqi, ku një avion në bordin e të cilit ndodheshin zyrtarët më të lartë të ushtrisë libiane, përfshi edhe shefin e Shtabit të Përgjithshëm, Mohamed Ali Al-Haddad, u rrëzua jashtë Ankarasë. Në bordin e avionit ndodheshin 8 persona, që të gjithë humbën jetën.
Kutia e zezë, nga e cila pritet të hidhet më shumë dritë mbi ngjarjen, do të analizohet në një vend neutral, njoftoi sot Qeveria turke.
“Analiza e regjistruesit të zërit në kabinën e pilotit dhe e kutisë së zezë të avionit, e cila do të ndihmojë në përcaktimin e shkaqeve të rrëzimit, do të kryhet në një vend neutral”, njoftoi ministri i Transportit të Turqisë, Abdulkadir Uraloğlu në një postim në X.
Avioni i rrëyuar ishte një Falcon 50. Sipas autoriteteve turke, në bord ndodhej një delegacion ushtarak i rangut të lartë nga Libia.
Pas rrëzimit të avionit privat, ministri i Brendshëm i Turqisë, Ali Yerlikaya, njoftoi se ishin gjetur si regjistruesi i zërit në kabinën e pilotit (CVR) ashtu edhe regjistruesi i të dhënave të fluturimit (FDR), i njohur si "kutia e zezë", e Falcon 50.
???? NEW | Video ✈️
— GLOBAL PULSE 360 (@DataIsKnowldge) December 23, 2025
Libya’s communications minister tells Al Jazeera that “all indications point to a technical failure” as the cause of the plane crash near Ankara.
• ???? Jet lost contact after emergency landing request
• ???? Departed from Ankara Esenboğa Airport
• ????… pic.twitter.com/2F71HMwXdw
Një grua greke thuhet se është midis tetë viktimave të rrëzimit të avionit. Sipas informacioneve të deritanishme, ajo ishte anëtare e ekuipazhit të avionit. Ajo është identifikuar si Maria Pappa.
Referuar të dhënave teknike, avioni me numër fluturimi 9H-DFS u ngrit nga Ankaraja në orën 20:17, me destinacion Tripolin. Rreth gjysmë ore pas ngritjes, piloti raportoi një defekt serioz elektrik dhe kërkoi një ulje të detyruar të menjëhershme. Menjëherë pas kërkesës, komunikimi me kullën e kontrollit u ndërpre, deri në momentin e impaktit me tokën.
Mohamed al-Haddad was the Chief of Staff of the forces affiliated with the Government of National Unity in western Libya, one of Turkey's allies and its most loyal men.
— khaled mahmoued (@khaledmahmoued1) December 23, 2025
His death in a plane crash during the return flight from Turkey to Libya raises questions about whether the… pic.twitter.com/rxBWbC02wm
Pas incidentit tragjik, autoritetet turke kanë mbyllur një zonë të gjerë, brenda një rrezeje prej afërsisht tre kilometrash, ku janë gjetur pjesë të shpërndara të avionit.
Të dhënat e mbledhura po shqyrtohen nga shërbimet kompetente të hetimit të aksidenteve ajrore, ndërsa Turqia deklaron vendosmërinë e saj për të vazhduar me një hetim të plotë të rrethanave të tragjedisë.
Udhëheqja ushtarake libiane ishte duke u kthyer në Tripoli, pasi përfundoi kontaktet zyrtare në Ankara, si pjesë e bisedimeve mbi çështjet e bashkëpunimit në mbrojtje.
Lini një Përgjigje