FLASH
Shkruar nga Pamfleti
Ministria e Brendshme ruse ka reaguar pas sulmit terrorist mbrëmjen e djeshme në Moskë.
Në reagimin e tyre thuhet se të katër personat e armatosur që sulmuan Bashkinë Crocus pranë Moskës mbrëmë janë shtetas të huaj.
“Ka pasur shumë spekulime lidhur me kombësitë e sulmuesve, teksa është aluduar se ata mund të jenë nga Taxhikistani apo edhe se janë shtetas rusë”, thuhet në reagimin e ministrisë së Brendshme.
Gjithashtu, në reagim nuk konfirmohet kombësia apo identiteti i tyre.
Kujtojmë se ka shkuar në 143 numri i të vrarëve në sulmin e ndodhur pasditen e djeshme, në një sallë koncertesh në periferi të Moskës. Lajmi bëhet i ditur nga agjencia e lajmeve ruse Ria Novosti. Mes viktimave të sulmit me armë të ndodhur në sallën Crocus City në Krasnogorsk, janë dhe 3 fëmijë. Më shumë se 145 janë të plagosurit.
Ndërkohë, katër persona, të prangosur si të përfshirë direkt në atentatin në Moskë janë mes 11 të arrestuarve.
Mes 4 autorëve të sulmit, dy prej tyre janë me pasaporta nga Taxhikistani, shkruajnë mediat ruse.
Agjencia ruse e sigurisë informon se sulmuesit të cilët u arrestuan në rajonin e Bryansk mëngjesin e sotëm "kishin synim të kalonin në Ukrainë" dhe kishin "kontakte me palën ukrainase", citon Ria Novosti.
Lini një Përgjigje