FLASH
Shkruar nga Pamfleti
Banorët në Gazën jugore kishin pohuar në orët e para të së enjtes se forcat izraelite hodhën fletëpalosje në zona të caktuara, duke i paralajmëruar ata të largoheshin.
Dhe fletëpalosjet erdhën pasi ministri i mbrojtjes i Izraelit, Yoav Gallant, tha se operacioni tokësor përfundimisht do të “përfshijë veriun dhe jugun.”, shkruajnë mediat e huaja.
Në një tregues të mëtejshëm, Izraeli mund të fillojë të përqendrojë sulmet në pjesët jugore të territorit – ku banorëve të Gazës u ishte thënë të iknin gjatë javëve të fundit – me Gallant që tha sonte “faza tjetër ka filluar”.
Ai pretendon se forcat izraelite kanë “pastruar” të gjithë pjesën perëndimore të qytetit të Gazës – që shihet si bastion i Hamasit – ndërsa shefi i shtabit të ushtrisë thotë se ata janë afër shkatërrimit të sistemit ushtarak të Hamasit në veri.
“Ne do ta përfundojmë atë”, kishte thënë gjeneral-lejtnant Herzi Halevi.
Ndryshe, Izraeli ka sulmuar Gazën e drejtuar nga Hamasi nga ajri dhe nga toka që kur militantët vranë 1200 civilë – sipas Izraelit – dhe morën 240 pengje.
Hamasi thotë se më shumë se 11,000 palestinezë janë vrarë, shumica prej tyre gra dhe fëmijë.
Lini një Përgjigje