FLASH
Shkruar nga Pamfleti
Gjermania ka shprehur shqetësim të thellë për ofensivën tokësore në zgjerim të Izraelit në Libanin jugor, duke paralajmëruar se një përshkallëzim i mëtejshëm ushtarak rrezikon të përkeqësojë një situatë tashmë të paqëndrueshme.
Në një deklaratë, ministri i Jashtëm gjerman Johann Wadephul tha se avancimi i mëtejshëm i ushtrisë izraelite në territorin libanez është “shkak për shqetësim serioz” dhe u bëri thirrje të gjitha palëve që të ndalojnë armiqësitë.
“Avancimi i mëtejshëm i ushtrisë izraelite në Libanin jugor është shkak për shqetësim serioz. Çdo eskalim i mëtejshëm do ta përkeqësojë situatën tashmë të tensionuar dhe do të shkaktojë valë të reja zhvendosjesh brenda Libanit”, thuhet në deklaratë.
Sulmet izraelite në Liban janë dënuar edhe nga vende të tjera si Franca dhe Katari, të cilat kanë kërkuar që të vendoset menjëherë armëpushimi dhe që palët të ulen për t'i zgjidhur problemet në mënyrë diplomatike
Lini një Përgjigje