FLASH
Shkruar nga Pamfleti
Rusia ka bërë zhvendosjen më të madhe të një flote të saj detare që nga nisja e luftës në Ukrainë. Dhe kjo ka ndodhur pikërisht jo shumë larg brigjeve të Shqipërisë.
Gazeta italiane “La Repubblica” raporton se një frigatë, dy korveta dhe anija çisternë që i shoqëronte kaluan njëra pas tjetrës ngushticën e Gjibraltarit, duke lundruar drejt Detit Atlantik.
Kjo ishte një lëvizje surprizë që uli në minimum prezencën e Marinës Detare të Rusisë në Mesdhe.
Aktualisht, në ujrat që lagin dhe Shqipërinë, Moska ka lënë një nëndetëse konvencionale, një korvetë dhe një fregatë.
Ndërkohë, edhe Shtetet e Bashkuara të Amerikës kanë tërhequr avionmbajtëset. Kjo duket si një fazë që qetësia e munguar është rikthyer në Detin Adriatik, Jon dhe në gjithë Mesdheun.
Mediat italiane shumë herë kanë dhënë alarmin dhe raportojnë se “teatër” i përplasjes është bërë Kanali i Otrantos dhe Deti Jon në brigjet e Santa Maria di Leuca, një zonë e Mesdheut.
Një zonë që tani është bërë veçanërisht e rëndësishme për interesat e Rusisë dhe NATO-s pas fillimit të luftës në Ukrainë.
Për javë të tëra, dy formacionet detare kanë konkurruar në duele elektronike, duke inkuadruar kundërshtarët e tyre në radar për të dëshmuar aftësinë për t'i goditur ata dhe simuluar veprime në qiellin e zbulimit dhe bombarduesve luftarakë.
Pse Moska po “luan” kaq ashpër në det?
Kremlini në fakt e konsideron atë një prioritet absolut. Pak ditë më parë Vladimir Putin lëshoi një direktivë të qartë: "Ne duhet të ruajmë statusin e Rusisë si një fuqi e madhe detare, aktivitetet e së cilës synojnë ruajtjen e stabilitetit strategjik në botë dhe forcimin e ndikimit kombëtar".
Udhëzimet këmbëngulin në një pikë: rëndësinë e Mesdheut Lindor, thelbësore për rrugët që shkojnë në Kanalin e Suezit dhe që sot lejojnë tregtinë me vendet që nuk i përmbahen embargos: ato janë jetike për eksportin e naftës, mineraleve të çmuara, drithërave.
Por edhe për të sjellë teknologji dhe makineri nga Azia. Përtej interesave ekonomike, megjithatë, ekziston një pyetje gjeopolitike: të tregohet vendosmëria ruse ndaj NATO-s, me një sfidë që ka marrë një dinamikë të harruar që nga Lufta e Ftohtë.
Lini një Përgjigje