FLASH
Shkruar nga Pamfleti
Dy ditë më parë lajmi për vdekjen e liderit opozitar rus, Alexei Navalny tronditi botën, ku vendet perëndimore përfshirë SHBA-në fajësuan presidentin rus Vladimir Putin.
Navalny ndërroi jetë të premten në koloninë penale ku po mbahej i burgosur nga një dënim që cilësohej i motivuar politikisht.
Gruaja e tij, Yulia Navalnaya mori pjesë në konferencën e Sigurisë në Mynih duke thënë se Putin dhe aleatët e tij duhet të jenë përgjegjës për gjithçka që i ka ndodhur familjes së tyre.
Por, kush është Yulia Navalnaya dhe çfarë dimë për marrëdhënien me Navalnyn?
Për vite me radhë, Yulia një ekonomiste dhe e ashtuquajtura ‘Zonja e Parë’ e opozitës ruse, i qëndroi afër bashkëshortit të saj në përpjekjet e tij për të ekspozuar korrupsionin e Kremlinit, duke u shfaqur në emër të tij në paraqitje të panumërta publike dhe duke iu bërë thirrje mbështetësve të mos dorëzoheshin kurrë edhe kur Navalny ishte në burg.
Ajo u takua me Alexei Navalnyn në vitin 1998 teksa ishte me pushime në Turqi dhe çifti u martuan vetëm dy vite më vonë.
Më pas Yulia lindi dy fëmijët e tyre, Dasha-n dhe Zakhar-in, konkretisht në vitin 2001 dhe 2008.
Lini një Përgjigje