FLASH
Shkruar nga Pamfleti
Presidenti Volodymyr Zelensky, paralajmëroi se Ukraina duhet të “përgatitet” për sulmet ruse në infrastrukturën e saj këtë dimër, duke theksuar një rritje të mundshme të sulmeve.
“Ne duhet të përgatitemi për mundësinë që armiku të rrisë sulmet me dron ose raketa në infrastrukturën tonë. E gjithë vëmendja jonë duhet të përqendrohet në mbrojtjen e infrastrukturës, në atë që Ukraina mund të bëjë për të ndihmuar njerëzit tanë të kalojnë dimrin”, tha ai.
Ndërkohë, një delegacion i Ukrainës, i kryesuar nga Ministrja e Ekonomisë Julia Sviridenko, mbërriti në Uashington për të diskutuar bashkëpunimin me SHBA-në dhe mbështetjen që mund t’i japin vendit, në një kohë kur lufta në Gaza ka marrë gjithë vëmendjen ndërkombëtare.
Shefi i shtabit të Zelenskit, Andrii Yermak, i cili është pjesë e delegacionit, tha se do të zhvillojë bisedime me zyrtarë në Shtëpinë e Bardhë, Kongres dhe me përfaqësues të shoqërisë civile.
“Ndër temat që do të diskutohen janë propozimet e presidentit ukrainas për përfundimin e luftës, forcimin e mbrojtjes së Ukrainës “dhe çështje të tjera të rëndësishme”, tha ai.
Lini një Përgjigje