FLASH
Shkruar nga Pamfleti
Presidenti Rexhep Tajip Erdogan ka thënë se Suedia duhet të ndalojë protestat e mbështetësve të Partisë së jashtëligjshme të Punëtorëve të Kurdistanit (PKK) në Stokholm për të marrë dritën jeshile për ofertën e saj për anëtarësim në NATO.
Sipas raportimeve kushtin Erdogan ia tha kreut të NATO-s Jens Stoltenberg, i cili ka qenë një zë i fuqishëm pro anëtarësimit të Suedisë në Aleancë.
Sipas pretendimeve të Erdogan, Turqia ka një qëndrim konstruktiv, por ndryshimi i ligjeve të Suedisë për terrorizmin për të përmbushur kërkesat nga Ankaraja ishte “i pakuptimtë” ndërsa mbështetësit e PKK-së mbajnë protesta në vend.
Kujtojmë se Finlanda dhe Suedia pas pushtimit rus të Ukrainës, nxituan të dorëzojnë aplikimet e tyre për tu bërë pjesë e NATO-s, por Turqia dhe Hungaria dolën pengesa për të dy vendet. Finlanda nga njëra anë arriti të plotësojë kushtet e vendosura prej tyre dhe sot është anëtarë, ndërsa Suedia ende nuk ka rënë dakord lidhur me disa kërkesa e për këtë arsye ende nuk është pjesë e Aleancës.
Lini një Përgjigje