FLASH
Shkruar nga Pamfleti
Departamenti i Thesarit i SHBA-së ka paralajmëruar se mund të vendosë sanksione ndaj kompanive të transportit detar, që i paguajnë tarifa Iranit për kalim të sigurt nëpër Ngushticën e Hormuzit, edhe nëse këto pagesa bëhen në formën e donacioneve bamirëse për OJQ-të iraniane.
Zyra e Kontrollit të Aseteve të Huaja (OFAC) e Departamentit të Thesarit tha se ishte në dijeni të kërkesave të Iranit për pagesa për kalim të sigurt përmes Ngushticës së Hormuzit. Ajo tha se Irani mund të ofrojë "opsione të ndryshme pagese, duke përfshirë monedha, asete dixhitale, kompensime, shkëmbime joformale ose pagesa të tjera në natyrë, të tilla si donacione bamirësie nominale për Shoqatën e Gjysmëhënës së Kuqe Iraniane, Bonyad Mostazafan ose llogaritë e ambasadës iraniane".
“OFAC po lëshon këtë paralajmërim për të informuar qytetarët amerikanë dhe jo-amerikanë për rreziqet e sanksioneve që lidhen me kryerjen e këtyre pagesave për regjimin iranian ose kërkimin e garancive nga ai për kalim të sigurt”, thuhej në shënimin këshillues, ku theksohet se “këto rreziqe ekzistojnë pavarësisht nga metoda e pagesës."
"Ngushtica e Hormuzit është bomba atomike e Iranit dhe pasurimi i uraniumit me 60% është simbol i forcës sonë", tha të premten Ali Nijjad, nënkryetar i parlamentit iranian. Ai shtoi se pas urdhrit të Udhëheqësit Suprem Mojtaba Khamenei, Ngushticat nuk do të kthehen kurrë në gjendjen e tyre të para luftës.
Lini një Përgjigje