FLASH
Shkruar nga Pamfleti
Izraeli raporton se ushtria e tij ka vrarë një tjetër eksponent të lartë të organizatës së Hamasit në Gaza.
Në reagimin e fundit ushtria bën me dije se ministri i Ekonomisë së Hamasit, Abdel-Zarii mbeti i vrarë në një sulm ajror në Gaza, gjatë së dielës.
Abdel-Zarii është një zyrtar i lartë që kishte një pozicion kyç në menaxhimin e ndihmave humanitare në Rripin e Gazës, por edhe në survejimin e tregjeve të kontrolluara nga militantët islamik.
Gjithashtu, ai ishte përgjegjës për shpërndarjen e karburantit, gazit dhe fondeve për operacionet terroriste kundër Izraelite.
Sipas IDF, selia qendrore e prodhimit të armëve në Gaza po punonte prej kohësh për forcimin e kapaciteteve ushtarake, duke shkëmbyer informacion dhe me organizatat e tjera terroriste në Lindjen e Mesme.
Javën e kaluar, lideri i Hamasit, Ismail Hanyeh humbi jetën në Iran në një sulm që dyshohet se u planifikua nga Izraeli, teksa më herët në Liban ishte vrarë dhe një komandant i lartë i Hezbollahut.
Ndërkohë Irani është zotuar për një hakmarrje “të ashpër” kundër Izraelit, të cilin e fajëson për vdekjen e shefit politik të Hamasit Ismail Haniyeh në Teheran të mërkurën.
Vrasja e tij erdhi disa orë pasi Izraeli vrau komandantin e lartë të Hezbollahut Fuad Shukr në Bejrut. Zyrtarët perëndimorë kanë frikë se Hezbollahu, një milici dhe lëvizje politike e mbështetur nga Irani me bazë në Liban, mund të luajë një rol kyç në çdo hakmarrje të tillë, e cila nga ana tjetër mund të shkaktojë një përgjigje serioze izraelite.
Përpjekjet diplomatike të SHBA-së dhe vendeve të tjera perëndimore vazhdojnë të jenë të larta për të ulur tensionet në të gjithë rajonin. Një numër në rritje fluturimesh janë anuluar ose pezulluar në aeroportin e vetëm tregtar të vendit në Bejrut.
SHBA, Britania e Madhe, Australia, Franca, Kanadaja, Koreja e Jugut, Arabia Saudite, Japonia, Turqia dhe Jordania janë ndër vendet që u kanë kërkuar qytetarëve të tyre të largohen nga Libani sa më shpejt të jetë e mundur.
Frika nga një përshkallëzim i armiqësive që mund të përfshijë Libanin është në kulmin e tyre që kur Hezbollahu filloi sulmet e tij ndaj Izraelit, një ditë pas sulmeve vdekjeprurëse të Hamasit në Izraelin jugor më 7 tetor, në mbështetje të palestinezëve në Gaza.
Lini një Përgjigje