FLASH
Shkruar nga Pamfleti
Autorritetet italiane ndaluan një 21-vjeçar në Bari për vrasjen e së resë, Antonia Lopez.
19-vjeçarja u vra mbrëmjen e së shtunës në plazhin Bahia në Molfetta. Objektivi i të shtënave, sipas hetimeve, ishte shoku i viktimës. Ky i fundit rezulton të jetë hoku i vajzës, pasardhësi i klanit 20-vjeçar të Eugenio Palermiti, i cili u plagos së bashku me tre persona të tjerë.
21-vjeçari Michele Lavopa mësohet se ka rrëmbyer armën që kishte me vete dhe ka qëlluar me shtatë plumba. Njëri e qëlloi vajzën në shpatull, duke i prerë aortën e cila humbi jetën brenda pak minutash pas ngjarjes kriminale.
Si ndodhi ngjarja:
Antonia Lopez, një vajzë 19-vjeçare u vra pas të shtënave me armë zjarri gjatë një sherri që shpërtheu në ambientet e jashtme të një lokali nate.
Nga kjo ngjarje e rëndë mbeten të plagosur edhe tre persona të tjerë, të cilët u transportuan në spital.
Mediat në Itali raportojnë se një nga personat e plagosur është Eugenio Palermiti, i cili aspiron të jetë bosi i klanit mafioz me të njëjtin emër, ‘Palermiti’.
Ndërkohë vajza e vrarë ishte mbesa e Ivan Lopez, i cili vra në një pritë në Bari, në lagjen San Girolamo, më 29 shtator 2021.
Pronari i lokalit ku ndodhi ngjarja e mbrëmshme tha: “Ishte ferr, ishte një moment: ne jemi pranë familjes së vajzës, edhe ne jemi viktima të kësaj dhune”.
Në lidhje me këtë ngjarja ka reaguar edhe kryebashkiaku i Molfettës. “Nuk mund të vdesësh kështu”, ka shkruar Tommaso Minervini në rrjetet sociale.
Vrasja e Ivan Lopez
Davide Lepore dhe Giovanni Didonna, 30 dhe 28 vjeç, po gjykohen për vrasjen e Ivan Lopez. Të dy akuzohen për vrasje të rëndë me rrethanë rënduese të metodës mafioze.
31-vjeçari Ivan Lopez u vra me të paktën gjashtë të shtëna me armë zjarri teksa po kthehej në shtëpi me një skuter. Sipas prokurorëve, autori i vrasjes do të kishte qenë Lepore, ndërsa Didonna do të kishte ndihmuar në kryerjen e krimit.
Lini një Përgjigje