FLASH
Shkruar nga Pamfleti
Të hënën, më 5 janar 2026, Presidenti i Venezuelës, Nicolas Maduro, dhe bashkëshortja e tij Cilia Flores u paraqitën në Gjykatën Federale në Manhattan, ku u njohën zyrtarisht me akuzat e ngritura ndaj tyre nga autoritetet amerikane.
Pamje të publikuara nga Reuters tregojnë momentin kur çifti u transferua nga qendra e paraburgimit në Brooklyn drejt gjykatës, nën masa të zakonshme sigurie, të shoqëruar nga forca të armatosura. Transporti u krye me helikopter dhe seanca gjyqësore u mbajt në mesditë, në prani të gjykatësit Alvin Hellerstein.
Presidenti Maduro u deklarua i pafajshëm ndaj akuzave që lidhen me trafik ndërkombëtar narkotikësh, të cilat sipas Prokurorisë Federale të New York-ut, datojnë që nga fillimet e karrierës së tij politike në vitin 2000, kur ai shërbente në Asamblenë Kombëtare, deri në vitet si ministër i Jashtëm dhe më pas si president.
Prokurorët pretendojnë se Maduro ka qenë pjesë e një rrjeti të organizuar trafiku droge me lidhje ndërkombëtare. Çështja është pjesë e një hetimi të nisur në vitin 2020 kundër disa zyrtarëve të lartë të Venezuelës. Nëse shpallet fajtor, ai përballet me dënime të rënda, përfshirë edhe burgim të përjetshëm.
Lini një Përgjigje