FLASH
Shkruar nga Pamfleti
Një sulm amerikan ndaj një anijeje të dyshuar për transportimin e drogës ilegale ka lënë katër burra të vdekur në Oqeanin Paqësor lindor, njoftoi sekretari amerikan i mbrojtjes Pete Hegseth në “ X”.
"Me urdhër të Presidentit Trump, Departamenti i Luftës kreu një sulm kinetik vdekjeprurës ndaj një tjetër anijeje që trafikonte narkotikë", shkroi Hegseth.
Të hënën, sulmet amerikane ndaj anijeve të dyshuara për trafik droge në Paqësor vranë 14 persona, sipas Hegseth.
Sulmet e fundit, të cilat kanë ardhur me urdhër të presidentit, shënojnë një përshkallëzim në atë që Shtëpia e Bardhë e ka cilësuar si një fushatë për të ndaluar hyrjen e narkotikëve të transportuar nga deti në SHBA nëpërmjet Paqësorit dhe Karaibeve.
Si pasojë e fushatave ushtarake kontroverse kundër drogës të Donald Trump, numri I të vdekurve ka arritur në 62.
Lini një Përgjigje