FLASH
Shkruar nga Pamfleti
Europa po përballet me një rrezik gjithnjë në rritje nga zjarret, ndërsa mbetet e papërgatitur për t’i përballuar ato në mënyrë efektive. Ky është përfundimi i një raporti të ri portugez, i cili publikohet në Romë dhe ngre alarmin për përkeqësimin e situatës në kontinent.
Sipas raportit, kriza e zjarreve po thellohet për shkak të një kombinimi faktorësh, si ndryshimet klimatike, braktisja e zonave rurale dhe grumbullimi i madh i bimësisë së thatë, e cila favorizon përhapjen e flakëve.
Një nga shqetësimet kryesore është zgjatja e sezonit të zjarreve, i cili nuk kufizohet më vetëm në muajt e verës. Ai po nis më herët dhe po përfundon më vonë, duke e bërë më të vështirë menaxhimin e emergjencave.
Ekspertët theksojnë se ky sezon i zgjatur po shoqërohet edhe me një fenomen të ri: përhapjen e zjarreve drejt veriut të Europës, zona që më parë konsideroheshin me rrezik më të ulët.
Të dhënat e fundit e mbështesin këtë trend. Në Suedi, gjatë vitit të kaluar u dogjën rreth 1,100 hektarë tokë, mbi 120% më shumë se mesatarja e viteve të fundit. Rritje të ngjashme janë shënuar edhe në Finlandë dhe Danimarkë.
Në nivel të Bashkimit Europian, viti 2025 regjistroi një rekord negativ, me mbi 1.03 milion hektarë sipërfaqe të djegur, niveli më i lartë i regjistruar deri më tani. Vendet më të prekura mbeten ato të jugut, ku Spanja renditet e para, e ndjekur nga Portugalia, Rumania, Italia, Greqia dhe Franca.
Megjithatë, raporti thekson se sfida nuk lidhet vetëm me përhapjen e zjarreve, por edhe me mungesën e përgatitjes për t’i përballuar ato. Një ndër problemet kryesore është mungesa e mjeteve ajrore për shuarjen e flakëve.
Flota globale e avionëve zjarrfikës është në rënie, ndërsa zgjatja e sezonit po e kufizon kohën e disponueshme për zhvendosjen e tyre nga një rajon në tjetrin.
Bashkimi Europian ka parashikuar investime, përfshirë rreth 600 milionë euro për blerjen e 12 avionëve të rinj zjarrfikës, por këto mjete pritet të dorëzohen vetëm në periudhën 2027–2030.
Nga ana tjetër, pengesat burokratike po vonojnë prodhimin dhe furnizimin, ndërsa mungesa e pilotëve dhe personelit të specializuar mbetet një tjetër problem serioz. Sipas raportit, procedurat për punësimin e pilotëve të huaj në Europë janë më të ndërlikuara krahasuar me vende si SHBA apo Australia, duke e bërë më të vështirë plotësimin e nevojave.
Në këtë kontekst, Komisioni Europian pritet të paraqesë një strategji të re, e cila synon forcimin e masave parandaluese dhe uljen e rrezikut nga zjarret në të ardhmen.
ESHTE THJESHT DEPOPULLIM NUK KA NDRYSHIME KLIMATIKE ZJARRET VIHEN VETE NGA SHTETET QE NE KRYE TE TYRE JANE DISA ORDINERE QE VETEM DUAN TE SHKATERROJNE JETEN E NJERZVE NJELLOJ SI LUFTERAT QE PO I NXISIN VETE QE TE VRASIN RININE SE FAMIJLET E FEMITE E TYRE I MBROJNE NEPER BUKKERA MJAFT ME KETA EKSPERT FALLCO.