FLASH
Shkruar nga Pamfleti
Një ekzekutim mafioz ka ndodhur ditën e djeshme në Atikë të Greqisë ku ka mbetur i vrarë biznesmeni Christos Gialia.
Siç shkruajnë mediat greke ai është qëlluar të paktën 15 plumba, duke i vënë zjarrin makinës së viktimës dhe kanë hedhur kallashnikovin që kishin brenda tij.
Qëllimi i autorëve ka qenë fshehja e sa më shumë gjurmëve.
Vrasja ka ndodhur në një distancë më pak se 200 metra nga shtëpia e biznesmenit dhe vlerësohet se autorët kishin ndjekur lëvizjet e tij dhe kishin regjistruar rutinën e lëvizjeve të tij .
Policia greke ka nisur hetimet për kapjen e autorëve që u larguan me motor. Automjeti është gjetur në rrugën “Agia Aikaterini” në Mandra dhe zjarrfikësit kanë tentuar të shuajnë zjarrin në vendngjarje.
Policia ka marrë informacione për një makinë të dytë të djegur që është hetuar, por nuk është gjetur ndonjë automjet tjetër i djegur - megjithatë, një motoçikletë e djegur është gjetur pak larg dhe dyshohet se ka qenë mjeti i arratisjes së autorëve nga vendi i krimit.
Kush ishte biznemeni Christos Gialias
Viktima ishte pronar i një kompanie tregtare mishi me qindra punonjës. Në të njëjtën kohë, ai ishte pronar dhe agjent i tre ekipeve të futbollit, përkatësisht AO Trikala, Paneleussiniakou dhe Mandraikos.
Në vitin 2018, u vra edhe ish-bashkëshortja e tij , në shkallët e shtëpisë së saj në Mandra. Christos Gialias kishte qenë atëherë, që në momentin e parë në vendin e vrasjes, pasi edhe pse ishte rimartuar, kishte marrëdhënie të shkëlqyera me ish-bashkëshorten.
“Policia do të kërkojë... Gjithçka... Aty kam besim, do ta zbardhin çështjen, nuk ka sesi. As ne nuk e dimë se çfarë është, sepse po ta dija nuk do të kisha bërë diçka?" tha Christos Gialias për vrasjen e ish-bashkëshortes.
Vihet re se sipas policisë, motivi i vrasjes së gruas ka qenë grabitja dhe autorët e huaj që besonin se ajo do të kishte para.
Ata i kishin ngritur një kartel jashtë shtëpisë së saj teksa ajo kthehej nga kazinoja. Megjithatë, në çantën e saj kishte vetëm një orë.
Lini një Përgjigje