FLASH
Shkruar nga Pamfleti
Një aeroplan që transportonte disa anëtarë të delegacionit rus drejt Gjenevës, për diskutimet e paqes, shmangu një itinerar të drejtpërdrejtë mbi hapësirën ajrore të BE-së, duke marrë më shumë se nëntë orë për të arritur në Zvicër.
Sipas FlightRadar24, avioni qeveritar rus me destinacion Gjenevë u nis nga Moska pak pas orës 23:30 të mbrëmjes së kaluar.
Aeroplani, që ka të ngjarë të ketë transportuar disa nga anëtarët e ekipit negociator rus, ndoqi një rrugë indirekte përmes Turqisë, Detit Mesdhe dhe mbi Itali. Fluturimi zgjati nëntë orë e 13 minuta dhe u ul në orën 6:48 të mëngjesit sipas kohës së Gjenevës këtë mëngjes. Një fluturim tipik direkt do të zgjaste midis tre dhe katër orësh.
Kujtojmë se ky veprim vjen për shkak se BE-ja vendosi një ndalim të përgjithshëm për aeroplanët rusë që fluturonin nëpër hapësirën e saj ajrore pas pushtimit të Ukrainës nga Moska në vitin 2022, megjithëse avionët e qeverisë ruse fluturuan mbi Itali gjatë rrugës për në Gjenevë. Britania e Madhe gjithashtu ka ndaluar avionët rusë në hapësirën e saj ajrore.
Lini një Përgjigje