FLASH
Shkruar nga Pamfleti
Presidenti amerikan nuk përjashton një takim të drejtpërdrejtë me zyrtarët iranianë, ndërsa paralajmëron marrëveshje të mundshme
Zëvendëspresidenti i Shteteve të Bashkuara, J.D. Vance, së bashku me delegacionin amerikan që merr pjesë në bisedimet e paqes me Iranin, janë nisur drejt Pakistanit dhe pritet të mbërrijnë brenda pak orësh.
Këtë e deklaroi të hënën presidenti Donald Trump në një intervistë për New York Post, duke shtuar se është i gatshëm të takohet me zyrtarë të lartë iranianë nëse arrihet përparim në negociata.
Në një intervistë tjetër për Fox News, Trump shkoi më tej, duke deklaruar se një marrëveshje me Teheranin mund të nënshkruhet “që sot”.
“Bisedimet pritet të zhvillohen”, tha Trump duke hedhur poshtë dyshimet për dështimin e negociatave. “Në këtë fazë, nuk besoj se dikush po luan lojëra”, shtoi ai.
Presidenti konfirmoi se një delegacion i nivelit të lartë amerikan, ku përfshihen zëvendëspresidenti J.D. Vance, i dërguari i posaçëm Steve Witkoff dhe këshilltari Jared Kushner, është nisur drejt Islamabadit për raundin e radhës të bisedimeve.
“Ata janë tashmë në rrugë. Do të jenë atje sonte”, deklaroi Trump.
Ky zhvillim nënvizon urgjencën e negociatave, të cilat zhvillohen vetëm pak ditë para përfundimit të armëpushimit mes SHBA-së dhe Iranit, në një periudhë tensioni të shtuar në rajon.
Trump la të hapur mundësinë e një lëvizjeje të rëndësishme diplomatike, duke theksuar se nuk përjashton një takim të drejtpërdrejtë me udhëheqjen iraniane.
“Nuk kam asnjë problem t’i takoj. Nëse duan të takohemi, kemi njerëz shumë të aftë, por nuk kam asnjë problem të takohem me ta”, u shpreh ai.
Sipas tij, kërkesa kryesore e SHBA-së mbetet e pandryshuar: Irani duhet të heqë dorë nga çdo përpjekje për të zhvilluar armë bërthamore.
“Të heqin dorë nga armët bërthamore. Është shumë e thjeshtë. Nuk do të ketë armë bërthamore”, tha Trump.Ai shtoi se Irani mund të përparojë nëse respekton këtë kusht. “Përndryshe, është një vend i mrekullueshëm, mund të bëhej vërtet i tillë”, deklaroi ai.
Megjithatë, presidenti amerikan nuk dha detaje për pasojat e mundshme nëse Teherani refuzon të përmbushë kërkesat ose nëse bisedimet dështojnë, veçanërisht në prag të përfundimit të armëpushimit.
“Nuk dua të hyj në detaje. Mund ta imagjinoni vetë. Nuk do të ishte diçka e mirë”, tha ai kur u pyet për mundësinë e përshkallëzimit të masave.
I pyetur nëse SHBA-ja e di se kush përfaqëson Iranin në negociata, Trump u përgjigj: “Kemi një ide mjaft të qartë dhe besojmë se po flasim me njerëzit e duhur”.
Or bole Trapi,a kujton se po flet me Nikolla Maduron eahh…!!?? Hahaha ????….. “ Ike plaku Meree..!? Hahaha….I le bythet ne MIDDLE EAST. Testa di kaco…