FLASH
Shkruar nga Pamfleti
Kryekomisonerja po kërkon një ndërmjetësim nga Giorgia Meloni, kryeministrja italiane, e cila ka marrëdhënie të mira me Shtëpinë e Bardhë.
Dy fjalë që po shqetësojnë Evropën janë: “Tarifat asimetike”. Në BE alarmi për luftën tregtare të konfirmuar nga presidenti amerikan Donald Trump po rritet dita-ditës. Por ka një frikë që shqetëson më shumë zyra të Komisionit Evropian: mundësia që administrata e Uashingtonit të imponojë masat e saj diskriminuese ndaj disa shteteve të Evropës, duke krijuar dallime mes "miqve" dhe "armiqve" bazuar në afërsinë politike.
Për këtë arsye, nesër, në Këshillin joformal Evropian, 27-të krerët do të thirren për të diskutuar dhe përgjigjia do t’i dërgohet Shtëpisë së Bardhë. Edhe pse agjenda e samitit përfshin vetëm temën se si të rritet mbrojtja, çështja e tarifave do të ngrihet nga presidentja e Komisionit, Ursula von der Leyen.
Ky rrezik është i pranishëm në Pallatin Berlaymont dhe von der Leyen do të kërkojë nga krerët e shteteve dhe qeverisë që: “Të qëndrojnë të bashkuar”. Von der Leyen do të theksojë se duke shkuar në një rend të shpërndarë jo vetëm që do të dobësonte reagimin e Donald Trump, por mund t'i jepte një goditje vetë Bashkimit Europian.
Megjithatë, të gjithë e dinë se nëse SHBA merr një vendim të tillë, do të jetë shumë e vështirë që shtetet e përjashtuara nga masat fiskale të mos përfitojnë. Si mund t'i shpjegojmë opinionit publik apo sistemit industrial të vendit tonë se duhet të reagojmë së bashku edhe në rrezikun e përballjes me një luftë tregtare?
"Tarifat janë shqetësuese, ato janë një mjet i politikës industriale për të sjellë prodhimet në SHBA”, tha ministri i Ekonomisë Giancarlo Giorgetti. Ai shpreson që Evropa të fillojë të mendojë për mjete për të mbrojtur industrinë e saj, konkretisht prodhimet që ekzistojnë në Evropë dhe Itali. Ka shumë mjete, për shembull një përdorim më inteligjent i taksimit mjedisor, i cili ishte një autogol i jashtëzakonshëm për të gjithë industrinë e automobilave.
Komisioni ka filluar të shqyrtojë mundësitë për të reaguar, duke përfshirë mundësinë e përdorimit të "kontratarifave" - një masë e përdorur në vitin 2020 kundër tarifave të Trump. "Bashkimi Evropian do të mbrojë interesat e tij legjitime", tha një zëdhënës i Komisionit.
Von der Leyen dëshiron të shmangë një "luftë tregtare" ashtu siç synon të shmangë një përballje midis Francës së Macron (e cila tashmë e ka ftuar Trumpin në Paris) dhe Gjermanisë, e cila është ende e zënë me fushatën e saj zgjedhore. Kryekomisonerja po kërkon një ndërmjetësim nga Giorgia Meloni, kryeministrja italiane, e cila ka marrëdhënie të mira me Shtëpinë e Bardhë.
Megjithatë, Presidentja e Komisionit është e vetëdijshme që, nëse Italia do të përjashtohej nga "lista e zezë", miqësia me Melonin mund të humbasë vlerë. "Bashkimi, do të qëndrojë besnik ndaj parimeve të tij dhe, nëse është e nevojshme, do të jetë i gatshëm të mbrojë interesat e tij legjitime", tha zëdhënësi i Pallatit Berlaymont.
Në tryezë do të vihen disa masa "dialoguese" dhe disa "luftarake". Në mesin e masave dialoguese është rritja e blerjeve të armëve, automjeteve dhe gazit nga SHBA. Ndërkohë, disa shtete si Hungaria po kërkojnë rikthimin e furnizimeve me gaz rus, por von der Leyen e konsideron këtë të papranueshme. Ndër masat luftarake mund të jetë rritja e blerjeve të gazit nga vende si Algjeria dhe Taxhikistani.
Një element që përmendet si një realitet është se një luftë tregtare do të forconte Kinën dhe mund të detyronte shtetet më të dobëta të Bashkimit Evropian të rinisin ose të zgjeronin dialogun ekonomik me Pekinin./Përshtati "Pamfleti" nga "La Repubblica"
Lini një Përgjigje