FLASH
Shkruar nga Pamfleti
Mediat vendase raportojnë se ka shkuar në 133numri i viktimave nga sulmi...
Autoritetet ruse kanë identifikuar autorët e sulmit gjakatar dje në një sallë koncertesh, ku u vranë mbi 60 persona e u plagosën qindra të tjerë.
Sipas mediave vendase, janë arrestuar 11 persona, mes të cilëve dhe 4 prej atyre që qëlluan. Ata janë nga Taxhikistani.
RIA dhe TASS të dyja citojnë shërbimin sekret rus, ku kreu i FSB-së ka njoftuar Vladimir Putinin për arrestimet.
“Drejtori i FSB-së i raportoi Putinit për ndalimin e 11 personave, përfshirë katër terroristë që morën pjesë në sulmin terrorist në Sallën e qytetit Crocus”, tha TASS.
2 prej tyre u kapën në një makinë gjatë tentativës për tu larguar.
“Makina ‘Renault’ me të cilën po lëviznin të dyshuarit u zbulua natën në zonën e rajonit të Bryansk”, tha Alexander Khinshtein. "Makina nuk u ndal me kërkesën e oficerëve të zbatimit të ligjit dhe u përpoq të shpëtonte. Gjatë ndjekjes, u qëlluan dhe makina u përmbys", shtoi ai.
Një i dyshuar u ndalua në vendin e ngjarjes së veturës së përmbysur, tha ai, ndërsa tjetri u largua dhe u arrestua rreth orës 3.50 të mëngjesit me orën lokale.
"Kërkimet për të tjerët vazhdojnë", tha ai.
Zyrtari tha gjithashtu se një pistoletë, një karikator dhe pasaporta që u përkisnin shtetasve të Taxhikistanit u gjetën në makinë.
Rajoni i Bryansk është rreth 340 km ndërsa sorra fluturon nga skena e sulmit në Krasnogorsk dhe ndodhet në kufirin rus me Ukrainën dhe Bjellorusinë.
Ndërkohë mediat vendase raportojnë se ka shkuar në 133 numri i viktimave nga sulmi, teksa janë mbi 140 të plagosur.
"Në vendin e sulmit terrorist në sallën e koncerteve Crocus City Hall, kur shërbimet e urgjencës po pastronin rrënojat, u gjetën më shumë trupa të të vdekurve. Kështu, numri i të vdekurve aktualisht është 133 persona", tha komiteti i hetuesve.
Guvernatori i rajonit të Moskës thotë se pret që numri i të vdekurve të rritet, pasi punonjësit e shpëtimit vazhdojnë të këkrojnë në vendngjarje.
"Grupet e shpëtimit po punojnë në skenën e tragjedisë në Crocus, ata po vazhdojnë të pastrojnë rrënojat dhe të kërkojnë njerëz. Janë angazhuar 719 specialistë dhe 213 pajisje 20 trupa të tjerë janë gjetur nën rrënoja. Puna do të vazhdojë edhe për të paktën disa ditë”, tha ai.
Lini një Përgjigje