FLASH
Shkruar nga Pamfleti
Komandanti i njësisë speciale të Policisë Ushtarake të Serbisë, që njihet si ‘Kobra’, ka thënë se pjesëtarët e tij nuk janë futur në territorin e Kosovës, por nëse marrin urdhër nga Vuçiç do ta zbatojnë.
Komandanti serb Darko Gjoshiç i është përgjigjur akuzave të kryeministrit të Kosovës, Albin Kurti, i cili tha se pjesëtarët e njësitit “Kobra” dhe ata të njësitit special të Policisë së Serbisë, janë futur në territorin e Kosovës javën e kaluar dhe kanë rrëmbyer tre policë kosovarë në Leposaviç.
"Njësia ‘Kobra’ e Ushtrisë së Serbisë nuk ka qenë i angazhuar në Kosovë, por me urdhër të kryekomandantit Aleksandër Vuçiç angazhohemi dhe kur e marrim atë urdhër, atëherë do ta zbatojmë plotësisht”, ka thënë Gjoshiç për “Tanjug".
Ndërkohë protestat në komuant në veri të Kosovës vazhdojnë. Ditën e sotme trupat e KFOR janë vendosur në hyrje të komunës së Leposaviç. Njësia Speciale e Kosovës është ndaluar nga trupat e KFOR të hyjë në Leposaviç. Ushtarët e KFOR-it po pyesin të gjitha njësitë e Policisë së Kosovës për rolin e tyre.
Lini një Përgjigje