FLASH
Shkruar nga Pamfleti
Gazetat dhe lajmet televizive italiane flasin gjithnjë e më pak për çështjet e migracionit, por kur në të përfshihet politika, kjo temë zë shumë hapësirë.
Në Raportin e “XII” të “Kartës së Romës”, të titulluar 'Lajmet e kontrastit', fjala më e përdorur e vitit 2024 rezulton "Albania"(Shqipëria). Një referencë për marrëveshjet me Tiranën për transferimin e emigrantëve nga ana tjetër e Mesdheut.
Vëmendja për këtë marrëveshje ka qenë e lartë veçanërisht në muajt Shtator-Tetor, kur nisi dërgimi në kampin e Gjadrit i emigrantëve të parë të cilëve iu refuzua azili nga Italia dhe urdhri i gjykatave për rikthimin e tyre në vend.
Raporti, megjithatë vlerëson se këtë vit në mediat italiane është reduktuar me 42% rëndësia e lajmeve për emigracionin, në proporcion edhe me uljen e dyndjeve të tyre drejt këtij vendi.
Studimi u prezantua mëngjesin e sotëm nga studiuesi i Observatorit të Pavias, Giuseppe Milazzo, në selinë e shtypit të huaj, në Palazzo Grazioli, me rastin e Ditës Ndërkombëtare të Emigrantëve.
Lini një Përgjigje