FLASH
Shkruar nga Pamfleti
Policia greke ka evakuuar stacionin e Larisës, si dhe dy hotele në Metaxourgeio dhe Agios Panteleimonas, pas një telefonate për një bombë.
Konkretisht, në orën 8:40 të mëngjesit u bënë thirrje telefonike për paralajmërimin e një shpërthimi bombë, në stacionin e Larisisë dhe në hotelet Novotel në Michail Voda dhe Stanley në Metaxourgeio.
Për këtë qëllim është ndalur qarkullimi i automjeteve në rrugën anësore Th. Diligianni, në rrugën Odysseos nga lartësia e Kolonou deri në kryqëzimin me Diligianni dhe në Michail Voda.
Ndërkohë një valë protestash shpërtheu në disa qytete të Greqisë si reagim ndaj aksidentit tragjik të përplasjes së trenit të pasagjerëve me atë të mallrave në afërsi të Larisës, që u mori jetën deri tani të paktën 57 personave, prej të cilëve disa të karbonizuar dhe të copëtuar ndërsa shumë të tjerë mbetën të plagosur.
Protestuesit u përleshën me policinë në zyrat qendrore të kompanisë së trenave në Athinë që përgjigjet për mirëmbatjen e linjave hekurudhore. Protesta u mbajtën edhe në Selanik dhe Larisa, ndërkohë që qeveria ka deklaruar se po zhvillohet një hetim i pavarur mbi ngjarjen.
Ekipet e shpëtimit kanë vijuar gjatë gjithë natës kërkimet për të gjetur të mbijetuar të tjerë mes hekurishteve që mbeten nga përplasja e fortë e trenave që u përfshinë në flakë.
Lini një Përgjigje