FLASH
Shkruar nga Pamfleti
Muzeu i Luvrit në Paris është rihapur, tre ditë pasi hajdutët vodhën xhevahire mbretërore historike me vlerë rreth 90 milionë euro, raporton The Guardian.
Humbja financiare nga grabitja më dramatike e Francës në dekada është vlerësuar në gati 90 milionë euro, ndërsa drejtori i Luvrit përgatitej të përballej me pyetje të vështira se si hajdutët arritën të vidhnin bizhuteri të paçmuara në mes të ditës.
Pamjet e drejtpërdrejta të transmetuara nga Reuters treguan vizitorët duke kaluar nëpër portat e hyrjes së muzeut për herë të parë që nga vjedhja, e cila bëri bujë në të gjithë botën.
Ngjarja ishte një goditje e madhe ndaj trashëgimisë kulturore të Francës, pasi xhevahiret i përkisnin Napoleonit dhe Perandoreshës franceze.
Presidenti dhe drejtori i muzeut, Laurence des Cars, pritet t'u përgjigjet pyetjeve nga komiteti i kulturës i senatit të mërkurën pasdite, tre ditë pas grabitjes shtatëminutëshe që synonte xhevahiret e kurorës së Francës.
Një bandë prej katër hajdutësh hynë me forcë në galerinë Apollo të Luvrit menjëherë pasi muzeu u hap të dielën në mëngjes, duke përdorur një shkallë nga një vinç mobiljesh në rrugën poshtë dhe duke ikur me tetë bizhuteri të Napoleonit.
Nuk është e qartë nëse muzeu, i cili u mbyll menjëherë pas grabitjes dhe mbeti i mbyllur të hënën dhe të martën, por sot është rihapur sërish.
Des Cars pritet t'u përgjigjet pyetjeve mbi shpejtësinë me të cilën hajdutët arritën të thyenin një dritare të katit të parë, cilësinë e vitrinave që mbanin bizhuteritë dhe mungesën e dukshme të një njësie reagimi të shpejtë për të penguar grabitësit.
Lini një Përgjigje