FLASH
Shkruar nga Pamfleti
Një sulm me thikë u regjistrua në zonën e Gig Harbor, në shtetin e ëashingtonit, ku katër persona humbën jetën pasi u goditën nga një 32-vjeçar. Ngjarja ndodhi në një hapësirë banimi, ndërsa policia ndërhyri menjëherë pas njoftimit për incidentin.
Sipas autoriteteve lokale, tre nga viktimat ndërruan jetë në vendngjarje. Një person i katërt u transportua me urgjencë në spital, por më vonë ndërroi jetë si pasojë e plagëve të marra. Autori i dyshuar u qëllua nga efektivët e policisë gjatë ndërhyrjes dhe u shpall i vdekur në vend.
Mediat amerikane, përfshirë Associated Press dhe NBC Neës, raportojnë se policia po heton rrethanat e sulmit dhe marrëdhënien e mundshme mes autorit dhe viktimave. Sipas burimeve paraprake të cituara nga mediat lokale, nuk ka indikacione të menjëhershme për një akt terrorizmi, ndërsa hetuesit po analizojnë historikun e autorit dhe çdo sinjal të mëparshëm paralajmërues.
Sherifi i qarkut deklaroi se oficerët vepruan për të neutralizuar një kërcënim të menjëhershëm, duke theksuar se situata paraqiste rrezik për persona të tjerë në zonë. Autoritetet nuk kanë bërë ende publike identitetet e viktimave, në pritje të njoftimit të familjarëve.
Hetimet vijojnë për të përcaktuar motivin dhe dinamikën e plotë të sulmit.
Lini një Përgjigje