FLASH
Shkruar nga Pamfleti
Përfaqësuesi demokrat i Teksasit, Al Green, u përjashtua nga Kongresi për shkak se mbajti lart një pankartë ku shkruhej “njerëzit me ngjyrë nuk janë majmunë”, ndërsa Donald Trump hyri në sallë për fjalimin e tij mbi Gjendjen e Kombit.
Fillimisht, përfaqësuesi republikan Steve Scalise u përpoq të hiqte tabelën e Green dhe pak më vonë përfaqësuesit demokrat iu urdhërua të dilte jashtë ndërsa republikanët brohorisnin “SHBA, SHBA”.
Posteri i Green kishte për qëllim të protestonte ndaj një videoje që Trump postoi së fundmi, në të cilën Barack dhe Michelle Obama portretizoheshin si majmunë.
Pas trazirës, presidenti amerikan “e hoqi” postimin kontrovers, por nuk kërkoi falje për postimin e tij, i cili gjithashtu i mërziti anëtarët e partisë së tij. Trump më pas pretendoi se videoja ishte postuar aksidentalisht nga një bashkëpunëtor i tij dhe se ai vetë “nuk e kishte parë” videon me familjen Obama në tërësi.
BREAKING: Al Green was just kicked out of the SOTU for the second year in a row to chants of USA.
— Brian Krassenstein (@krassenstein) February 25, 2026
He carried a sign that read “black people aren’t apes”.
Man I love this guy. pic.twitter.com/KBTT4HmzE8
Gjatë fjalimit, presidenti renditi atë që e cilësoi si arritje kyçe të administratës së tij.
“Inflacioni është në rënie të lirë, ndërsa Wall Street ka thyer çdo rekord gjatë mandatit tim. Kufijtë janë më të sigurt se kurrë dhe asnjë emigrant i paligjshëm nuk ka hyrë në nëntë muajt e fundit”, deklaroi ai.
Në sallë ishin të pranishëm edhe përfaqësues të shoqërisë civile dhe kombëtarja amerikane e hokejit në akull, kampione olimpike, e cila u nderua gjatë seancës.
Një pjesë e rëndësishme e fjalimit iu kushtua politikës tregtare. Trump mbrojti vendosjen e tarifave doganore, duke theksuar se “të gjitha vendet duan të ruajnë marrëveshjet me Shtetet e Bashkuara” dhe se, pavarësisht një vendimi që e cilësoi “të pafat” nga Gjykata e Lartë, administrata e tij “po vazhdon të gjenerojë të ardhura”. Sipas presidentit, të ardhurat nga tarifat do të mund të “zëvendësojnë taksat mbi të ardhurat”.
Lini një Përgjigje