FLASH
Shkruar nga Pamfleti
Forcat e armatosura amerikane kanë ndërmarrë një tjetër sulm ajror kundër një motoskafi të dyshuar për trafik droge në Paqësorin lindor, ku si pasojë mbetën të vrarë tre persona që ndodheshin në bord.
Sipas një njoftimi të Komandës Jugore të Shteteve të Bashkuara (SOUTHCOM), operacioni u zhvillua të shtunën dhe kishte në shënjestër një mjet lundrues që, sipas autoriteteve amerikane, përdorej për aktivitete të lidhura me trafikun e drogës.
SOUTHCOM publikoi edhe një video, e cila sipas saj paraqet momentin e goditjes së motoskafit. Në deklaratë thuhet se në bord ndodheshin persona të cilësuar si “narko-terroristë” dhe se tre prej tyre u vranë gjatë operacionit.
Ky ishte sulmi i dytë brenda dy ditësh në të njëjtën zonë. Një ditë më herët, të premten, forcat amerikane goditën një tjetër motoskaf të dyshuar, ku gjithashtu humbën jetën tre persona që ndodheshin në bord.
Sipas të dhënave të publikuara nga autoritetet amerikane, që prej shtatorit të vitit të kaluar janë zhvilluar dhjetëra operacione kundër mjeteve lundruese që dyshohet se përdoren për trafik droge në rajonin e Karaibeve dhe Paqësorit.
Bilanci i këtyre aksioneve ka tejkaluar 200 viktima. Megjithatë, Uashingtoni nuk ka bërë publike prova që do të konfirmonin përfshirjen e anijeve të goditura në aktivitete të paligjshme.
A suspected drug-trafficking boat erupts into flames after being struck by U.S. forces in the eastern Pacific.
— Fox News (@FoxNews) May 30, 2026
New video, released by U.S. Southern Command, shows the moment the vessel is hit during an operation carried out Friday.
SOUTHCOM says three "male narco-terrorists"… pic.twitter.com/Kaw1L3Q4O2
Lini një Përgjigje