FLASH
Shkruar nga Pamfleti
Meqë zgjedhjet në Bashkinë e Kamzës do jenë elektronike, banorët t’ia marrin Rakip Sulit lekët e ushqimet që po jep për blerje votash, dhe ta shpërfillin këtë halldup e hajdut; ndërsa SPAK t’ia “nxjerrë nga hundët” vjedhjet që ka bërë në 4 vite kryetar
Kandidati “rilindës” i Kamzës, Rakip Suli, megjithëse është Kryetar Bashkie prej 4 vitesh, nuk e ka marrë detyrën me vota, por me emërim pa garë më 2019, ndërsa më 14 maj do përballet me votën e banorëve të zonës.
Për të siguruar votat që nuk ia jep as fisi dhe krushqia e tij, Rakip Suli ka filluar operacionin për blerje votash, mbasi përballë ka një kandidat me mbështetje të madhe në krejt zonën e Kamzës.
Mirëpo që të blejë vota, Rakipit i duhen miliona, prandaj ka filluar të boshatisë fondet dhe të ardhurat e bashkisë, me tenderë të pa planifikuar në buxhetin e vitit 2023, ndër to një tender për blerje uji me shishe 330 ml, për administratën.
Për ujë të pijshëm të ambalazhuar e personalizuar për vete dhe për zyrtarët, krye bashkiaku Rakip Suli ka paguar 32 milionë lekë nga taksat e banorëve, ndërsa banorëve u shet ujë me fekale nëpërmjet ujësjellësit, duke i detyruar të blejnë ujë për të pirë, gatuar e... për t’u larë.
Por ka lagje e zona të tjera në Bashkinë Kamëz, që Rakip Suli nuk u çon as një pikë ujë nëpër banesa, duke i detyruar banorët ta blejnë nga autobote privatë me 5000 lekë/m3, ose shkojnë e mbushin me makinat e tyre në Dajt.
Blerja e ujit për zyrtarët, është fyerje që Rakip Suli u bën banorëve në këto zgjedhje, ndërsa si vlerë 32 milionë lekë, për të është “thërrime” krahasuar me batërdinë financiare që ka bërë.
Nëse SPAK kërkon një model vjedhjeje, ka Rakipin e Kamzës, i cili vetëm gjatë muajit mars dhe 4 ditët e prillit, ka tenderuar 7.2 miliardë lekë, për rikonstruksion rrugësh, rrugicash, shkollash, kopshtesh, të cilat janë punë të paguara edhe para 6-8 muajsh po me tenderë, madje për mirëmbajtje trotuaresh, lulishtesh, kënde fëmijësh e ndriçim rrugësh periferike që nuk ekzistojnë.
Meqë votimet në Bashkinë e Kamzës do jenë elektronike, banorët t’ia marrin Rakip Sulit lekët e ushqimet që po jep për blerje votash, dhe ta shpërfillin këtë halldup e hajdut; ndërsa SPAK t’ia “nxjerrë nga hundët”, vjedhjet që ka bërë në 4 vite kryetar./Pamfleti
Lini një Përgjigje