FLASH
Shkruar nga Pamfleti
Një person i dyshuar si autori i krimit në Via Varese është arrestuar në Lubjanë.
I dyshuari një 40-vjeçar me origjinë shqiptare me një karrierë të gjatë ushtarake dhe me identitete të shumta të rreme, u arrestua më 5 janar në Slloveni për krime të tjera.
Nga kontrolli i gjurmëve të daktiloskopike pritet të përcaktohet nëse personi i arrestuar është i njëjti për të cilin autoritetet italiane kanë lëshuar një urdhër-arresti ndërkombëtar.
Autoritetet italiane, por edhe ato sllovene, po hetojnë ngjarjen e ndodhur më 27 tetor të 2024 në lagjen Retrostazione, ku dy të shtëna me armë zjarri tronditën komunitetin e zonës.
Rreth orës 22:00, në oborrin e Via Varese, Vadym Usatyl, një 46-vjeçar i pastrehë me origjinë ukrainase, ngeli viktimë si pasojë e të shtënave me armë.
Viktima ishte goditur me dy plumba. Sipas hetimeve, krimi ndodhur nga një debat banal mes viktimës dhe sulmuesit, ndoshta i rënduar nga përdorimi i lëndëve narkotike.
Pas një debati, situata u përkeqësua me përdorimin e armës. Më pas vrasësi u largua, duke humbur gjurmët.
Që në ditët e para, hetuesit kishin hedhur hipotezën se vrasësi ishte larguar nga vendi, hipotezë kjo që u forcua nga lëshimi i një urdhër-arresti ndërkombëtar 12 dhjetorin e 2024.
Pika e kthesës erdhi në Lubjanë, ku autoritetet sllovene arrestuan një person që korrespondon me shumë nga karakteristikat e të kërkuarit. Megjithatë, identifikimi përfundimtar është bërë i ndërlikuar nga pseudonimet e shumta të përdorura nga i dyshuari.
Autoritetet sllovene tani kanë dhjetë ditë për të përfunduar procedurën e krahasimit të gjurmëve të gishtave, një hap vendimtar për të konfirmuar ose përjashtuar përfshirjen e dyzet vjeçarit në vrasjen në Via Varese .
Lini një Përgjigje