FLASH
Shkruar nga PamfletiKy është Blloku i lajmeve nga kronika e zezë deri në këtë orë të ditës, ku ndër të tjera veçojmë:
SPAK i komunikon akuzën Elvis Roshit
Ish-Kryebashkiaku i Kavajës, Elvis Roshi, akuzohet për shpërdorim detyre gjatë periudhës 2013-2014, lidhur me tendera të organizuar nga Bashkia. Hetimet, të nisura nga KLSH dhe më pas nga Prokuroria Speciale, zbuluan se disa operatorë me ofertën më të ulët u përjashtuan padrejtësisht, duke shkaktuar dëme prej 33 milionë lekësh. Aktet iu kaluan SPAK-ut pas vendimit të GJKKO-së në mars 2024. Roshi është një nga politikanët e parë që iu ndërpre karriera për shkak të ligjit të dekriminalizimit, pasi kishte fshehur rekorde kriminale jashtë vendit.
Trafik droge me miliona euro
Operacioni ndërkombëtar “STURL ONE” shpërbëri një organizatë shqiptaro-italiane për trafik droge. U arrestuan nëntë persona, tetë shqiptarë dhe një italian, ndërsa hetimet përfshijnë 15 individë. Organizata trafikonte kokaine, hashash dhe marijuanë nga Amerika e Jugut, Europa Veriore dhe Spanja, duke mbledhur miliona euro. Komunikimi bëhej përmes platformës së koduar SkyECC, e çkoduar nga autoritetet franceze. Operacioni u zhvillua në qytete të ndryshme të Italisë dhe Shqipërisë, me pjesëmarrjen e 50 oficerëve. Në Brescia, një shtetas maroken u arrestua me mbi 3 kg drogë dhe 5,800 euro.
Gjyqi për vrasjen e Ardit Spahiut në Belgjikë
Në Belgjikë po zhvillohet gjyqi ndaj Franc Çopjas dhe tetë të tjerëve për vrasjen e Ardit Spahiut. Hetuesit lexuan mijëra mesazhe në SkyECC që tregojnë ndjekjen e viktimës nga ekzekutori Flobenc Meçja. Mesazhet zbardhin komunikime të koduara dhe planifikim të vrasjes, përfshirë një mesazh ku Meçja shkruante se duhej ta “mbaronte maskarën” për shkak të lindjes së gruas së tij. Kodet e përdorura lidhnin Flobenc Mecjan dhe Mikael Qosjan me Franc Çopjan. Seanca rifillon për të sqaruar rolet e të pandehurve.
Abuzime dhe baste në Policinë e Shtetit
Gjithashtu, 6 efektivë të Policisë, përfshirë një nga RENEA, u vunë nën hetim për përfshirje në baste të paligjshme sportive. Dy efektivë dhe një qytetar u vendosën nën arrest shtëpie, ndërsa katër të tjerët u përfshinë në masa ndalimi dhe detyrim paraqitjeje. Hetimi nisi në 2025 dhe u sekuestruan 7 telefona të përdorur për aktivitetin kriminal.
Vrasje dhe dhunë
Në Greqi, Jani Aliaj, 49 vjeç, u vra në burgun e Koridhalos, në pritje të ekstradimit drejt Shqipërisë. Ai u qëllua me thikë nga një 28-vjeçar grek, plagët shkaktuan vdekjen e menjëhershme. Ndërsa në Shqipëri, Andi Vokri, 28 vjeç, vrau me çekiç Petrit Ndoun pas një konflikti për gërvishtje makinash. Në Gjermani, një shqiptar mbajti peng një anëtar të bandës së drogës dhe i prenë dy gishtërinj të këmbës si ndëshkim për humbjen e një telefoni pune.
Ryshfet dhe abuzime në Kosovë
Katër persona, përfshirë dy zyrtarë të Ministrisë së Brendshme të Kosovës, u arrestuan për ryshfete dhe keqpërdorim detyre në lëshimin e lejeve për armë. Policia sekuestruar 7 telefona, dosje dhe dokumente. Ligji parashikon burg dhe gjoba për armë pa leje.
Tragjedia hekurudhore në Spanjë
Numri i viktimave nga përplasja e dy trenave ka arritur 40, mbi 150 janë plagosur, 43 janë zhdukur. Aksidenti ndodhi pranë Adamuth, në Kordobë, kur një tren doli nga shinat dhe përplasi trenin tjetër. Ekspertët gjetën konsumim të shinave në nyjen që lidh dy seksione, duke krijuar një hendek të mundshëm shkaktar. Po shqyrtohen tre skenarë: dëmtim i linjës, problem teknik i trenit, ose ndërveprim i të dyve.
Lini një Përgjigje