FLASH
Shkruar nga Pamfleti
Seanca e së mërkurës në Komisionin e Shëndetësisë është shoqëruar me debate të ashpra mes deputetes demokrate Albana Vokshi dhe mazhorancës.
Deputetja e PD-së, Albana Vokshi ka deklaruar në Komisionin e Shëndetësisë, se sipas informacioneve të saj, është ndërhyrë në sistem me urdhër të ish-drejtoreshës së QSUT, Albana Fico, për të hequr skadencës së ilaçeve.
“Në informacionin që unë kam e ka bërë ish-drejtoresha e QSUT, Albana Fico, e ka urdhëruar personalisht ajo vetë heqjen e datës së skadencës, duhet të shkojë para drejtësisë kushdo që e ka bërë”, u shpreh Vokshi.
Por deputetja demokrate është përplasur me deputët e maxhorancës që cilët janë shprehur se deklaratat e saj janë mashtrime dhe se po përhapte panik.
Pjesë nga debati:
Albana Vokshi: A ka sasi të skaduara tani që ne flasim në QSUT? Cila farmaci e ka në ngarkim dhe a keni ndërhyrë ju në sistem për të hequr datën e skadencës që ka qenë 31 dhjetor i këtij medikamenti për ta rifutur prapë në sistem? Nëse ju ndërhyni në sistem për të hequr datat e skandencës, ky do të ishte një skandal dhe kushdo që e ka urdhëruar, në informacionin që unë kam e ka bërë ish-drejtoresha e QSUT, Albana Fico, e ka urdhëruar personalisht ajo vetë heqjen e datës së skadencës, duhet të shkojë para drejtësisë kushdo që e ka bërë. Është kriminale, por unë do t’ua vërtetoj, po pyes ministren.
Deputeti Florenc Spaho kërkon fjalën.
Kryetarja e komisionit: Të nxjerr jashtë
Vokshi: E morën urdhrin këta për të bërë zhurmë. Ministrja duhet të jepte dorëheqjen jo të ishte këtu.
Florenc Spaho: Ça muhabeti po bën? Ku i ke prerë flokët? Ku i ke lyer? Ça i keni këto muhabete?
Vokshi: Po ça po flisni? A s’keni turp?!
Spaho: Turp nuk keni ju që flisni kështu. Si i drejtoheni një zonje ashtu?
Zhani Gjergji: Na i sjellin gazetarët. Shihni, pacientët marrin terapi të ulur në karrige. Skandal!
Ndërhyn Ilirian Pendavinji
Po qetësohu, ulu. Se është skandal kjo që po them.
Ilirian Pendavinji: Duhet të thuash ku e ke marrë informacionin
Albana Vokshi: Po pyes ministren se ajo duhet ta kontrollojë. Në vend që t’i thuash ministres çfarë po bën më thua mua që mos fol. Hesht, mos u bëni mbrojtës të këtyre skandaleve kriminale dhe më lër të flas.
Ndërhyn maxhoranca :Kërkoni ndjesë
Albana Vokshi: Kjo që thashë është skandal nëse është e vërtetë. Ka edhe më shumë, por ju i fshini! Hesht pra!
Ilir Metaj: Kërko ndjesë
Albana Vokshi: Është turp të bëheni mbrojtës të këtij korrupsioni dhe abuzimi skandaloz. Unë them është ndërhyrë në sistem për të hequr datën e skandencës
Ilir Metaj: Mashtrove
Albana Vokshi: Nuk kam mashtruar! Ose nxirre përjashta, ose heqi të drejtën e fjalës. A jeni prindër
Ilir Metaj: Lëri etikën, por mos mashtro
Ndërhyn maxhoranca
Albana Vokshi: Do t’ua tregoj ndotjen akustike, prisni. Morën urdhrin për të bërë zhurmë. Ministrja duhet të kishte dhënë dorëheqjen, s’duhet të ishte këtu.
A keni ju rifutur në sistem një sasi prej 1137 flakonë duke hequr datën e skadencës?
Mbani shënim se ka edhe skandale të tjera
Ilir Metaj: Po përhap panik
Albana Vokshi: Mbaj përgjegjësi. Nuk më bëni do të hesht (U drejtohet maxhorancës) Këto po mbjellin vdekjen.
Lini një Përgjigje