FLASH
Shkruar nga Pamfleti
Gjykata Kushtetuese ka urdhëruar pezullimin e ekstradimit të shtetasit rus Igor Kukunov drejt Rusisë.
Sipas vendimit të gjykatës, procedurat e ekstradimit do të pezullohen deri në një vendimmarrje të dytë.
Por avokati i tij Isuf Shehu, konfirmon se Policia e Shtetit ka shoqëruar Kukunov drejt Rinasit dhe pritet të kryejnë ekstradimin e tij me firmën e ministrit të Drejtësisë, Ulsi Manja.
Igor Kokunov akuzohet në Rusi për veprën penale “zënia e pozitës së lartë në hierarkinë kriminale”.
Sipas avokatëve, kërkimi i Kukunov është firmosur nga zv.prokurori i Përgjithshëm i Rusisë, i cili është shpallur “non grata” nga organizatat ndërkombëtare ku bën pjesë dhe Shqipëria.
Rusi Kokunov u ndalua në Muriqan gushtin e vitit të kaluar në bazë të një urdhri kërkimi ndërkombëtar, edhe pse më herët kishte udhëtuar në Gjermani dhe Mal të Zi.
Lini një Përgjigje