FLASH
Shkruar nga Pamfleti
Eksperti i sigurisë, Fatjon Softa tha se paralel me fillim sezonin kemi edhe shtim të disa fenomeneve shqetësuese si prostitucioni apo përdorimi i drogës.
Teksa ka përmendur rastin e dy vajzave ukrainase apo ato nga Venezuela, eksperti shprehet se duket sikur jemi në shtëpi publike, por të palegalizuara.
Ai shton se ky fenomen është më i përhapur në qytetet si: Saranda, Tirana dhe Durrësi.
“Paralel me këtë fillim sezoni, kemi edhe shtimin e disa fenomeneve të cilat janë shqetësuese sikurse është prostitucioni apo përdorimi i lëndëve narkotike nga persona që vijnë edhe për këtë lloj turizmi.
Këto rastet e para, rasti i ukrainasve dhe rastet e tjera sikur ato nga Venezuela duket sikur janë dallëndyshet e para të këtij lloj turizmi të seksit po e quajmë i cili po bëhet prezent në territorin shqiptar.
Tani është një fenomen ku duket sikur jemi në shtëpi publike, por të palegalizuara.
Sepse fakti që pjesa më e madhe e tyre marrin shtëpi pushimi të cilët i përdorin për një farë kohe për aq kohë sa zgjat edhe leja e qëndrimit të tyre.
Qytetet më tipike ku është prezent ky fenomen janë, Saranda, Tirana e Durrësi.
Rasti i ukrainasve është shqetësues dhe kërkon hetim”, tha eksperti për “Ora News”.
Lini një Përgjigje