FLASH
Shkruar nga Pamfleti
Raporti vjetor i SPAK për vitin 2025 nuk është ndalur vetëm te statistikat e hetimeve, arrestimeve apo procedimeve penale. Në një pjesë të tij, Prokuroria e Posaçme ka zgjedhur të rendisë edhe klikimet dhe shikimet që kanë marrë intervistat e prokurorëve në televizione, portale dhe rrjete sociale.
Në dokument përmenden në mënyrë të detajuar disa intervista të prokurorëve të SPAK, duke përfshirë jo vetëm temën e tyre, por edhe audiencën që kanë marrë në YouTube, Facebook apo në media të ndryshme.
Për shembull, një intervistë e prokurorit të posaçëm Vladimir Mara, e transmetuar në Top Channel, sipas raportit ka marrë rreth 176 mijë shikime në YouTube, ndërsa një tjetër intervistë e prokurores Doloreza Musabelliu për dokumentarin e publikuar nga BIRN është parë nga mbi 45 mijë persona në rrjetet sociale.
Në raport përmendet gjithashtu një dokumentar mbi trafikun e kokainës nga Amerika Latine në Shqipëri, ku SPAK thekson se materialet dhe klipet e publikuara kanë arritur deri në 250 mijë shikime në YouTube dhe rrjetet sociale.
Madje në disa raste raporti specifikon edhe numrin e leximeve të artikujve në portale apo klikimet e versioneve në gjuhë të huaj të publikimeve. Në vend që prokurorët të merren me hetimet dhe sigurimin e provave, merren sa like marrin në rrjetet sociale.
Lini një Përgjigje