FLASH
Shkruar nga Pamfleti
Konfederata e Sindikatave të Shqipërisë ka reaguar pas plagosjes së një 34 vjeçari në minierën e Bulqizës. I riu i cili punonte si brigadier në një galeri private kromi është plagosur pas shembjes së një masivi gurësh në Zonën D të minierës.
Teksa i uron shërim të shpejtë 34-vjeçarit, KSSH kërkon zbardhjen e ngjarjes nga autoritetet përkatëse. Në reagim thuhet gjithashtu se Inspektoriati i Punës duhet të shtojë kontrollet në miniera dhe në kantiere ndërtimi.
"Aksidentet e në minierat e Bulqizës janë të përditshme, ndonëse shumë prej tyre as nuk raportohen në polici.
Sot një 34 vjeçar i cili punonte si brigadier në një galeri private kromi është plagosur pas shembjes së një masivi gurësh në Zonën D të minierës së Bulqizës.
Konfederata e Sindikatave i uron shërim të shpejtë dhe kërkon zbardhjen e ngjarjes nga autoritetet përkatëse.
Konfederata e Sindikatave i kërkon Inspektoriatit të Punës të shtojë kontrollet në miniera dhe në kantiere ndërtimi.
Jeta e punëtoreve shqiptarë duhet të jetë prioritet dhe nuk mund të lihet në mëshirë të fatit, pasi shumë kompani abuzojnë me kriteret që lidhen me sigurinë në punë", thuhet në reagimin e KSSH.
Lini një Përgjigje