FLASH
Shkruar nga Pamfleti
Kreu i Komunitetit Shqiptar Mysliman ka shpërndarë një mesazh ku i uron shërim sa më të shpejtë dhe të plotë Kryepeshkopit të Kishës Ortodokse Autoqefale të Shqipërisë, Anastas Janullatos.
“Kryepeshkopi i Kishës Ortodokse Autoqefale të Shqipërisë, z. Anastas Janullatos, ndodhet prej disa ditësh në gjendje jo të mirë shëndetësore.
Me Janullatosin kemi vite që bashkëpunojmë dhe bashkërendojmë veprimtarinë e dialogut ndërfetar në Shqipëri. Lider i kujdesshëm për besimtarët që përfaqëson dhe bashkëpunues e tolerant me këdo.
I lutemi Zotit për shërimin e tij të shpejtë e të plotë!”, shkruan Spahiu në një postim në “Facebook”.
Kujtojmë se gjendja e Janullatos u përkeqësua gjatë ditës së sotme gjë që detyroi mjekët që ta fusin atë në intubim.
Lini një Përgjigje