FLASH
Shkruar nga Pamfleti
Pas ngjarjes së rëndë të ndodhur në Durrës ku nëna e katër fëmijëve i dha fund jetës pasi i hapën profile denigruese në rrjetin social Tik Tok, në Tiranë nesër është thirrur një protestë. Ajo do të mbahet në sheshin "Nënë Tereza" në orën 11:30.
Skandali thellohet pasi 41-vjeçarja ka bërë denoncim në polici, por askush nuk e ka marrë parasysh. Gjatë gjithë periudhës nga denoncimi deri në ngjarjen e pak ditëve më parë, 41 vjeçarja i kishte thënë herë pas here të birit se do të kryente vetëvrasjen, “sepse jam nuse ne familjen … dhe për nder rroj”.
Familjarët kanë treguar se ka qenë kushërira, vajza e tezes që i ka marrë foton dhe shpërndarë me shkrime denigruese në rrjetet sociale. Madje familjarët e kishin zbuluar dhe pasi kishin kontaktuar me kushërirën kjo e fundit u kishte kërkuar falje por nuk kishte hequr fotot. Ata thonë se këtë veprim kushërira e kishte të përsëritur pasi e kishte bërë dhe me familje të tjera. Madje ata e kanë dhënë këtë dëshmi edhe për policinë.
Lini një Përgjigje