FLASH
Shkruar nga Pamfleti
Pasditen e sotme është përkeqësuar situata në zonën e Sukthit, pasi lumi Erzen ka dalë nga shtrati, duke përmbytur sipërfaqe të mëdha tokash dhe duke izoluar disa fshatra.
Ura e Vardardhës është mbuluar nga uji, duke bllokuar qarkullimin për mbi 1000 banorë të zonës.
Sipas informacioneve paraprake, reshjet intensive të shiut kanë rritur nivelin e lumit dhe kanë përmbytur rreth 4 hektarë tokë bujqësore.
Lidhur me këtë situatë ka reaguar edhe kryetarja e Bashkisë së Durrësit, Emiriana Sako e cila ka thënë se ekipet e emergjencës ndodhen në terren.
“Ekipet e emergjencave janë në terren për të monitoruar situatën dhe për t’i ardhur në ndihmë familjeve të këtyre zonave.”, shkruan Sako.
Forcat e emergjencave vijojnë monitorimin në terren.
Lini një Përgjigje