FLASH
Shkruar nga Pamfleti
Seanca paraprake ndaj kryebashkiakut Erion Veliaj është shtyrë për datën 5 janar.
Veliaj largoi një nga avokatët e tij mbrojtjes Artan Gjermeni, ndërsa GJKKO i ka caktuar atij një avokat kryesisht, konkretisht Valentina Teodoreskun.
Veliaj kërkoi heqjen e masës së vendosjes në kafaz gjatë seancave, vënien në dispozicion të plotë dhe të menjëhershme të akteve të dosjes në një formë të aksesueshme, si dhe shtyrjen e procedurës deri në garantimin e këtyre të drejtave.
Pas largimit të avokatit, gjykata i ka caktuar Erion Veliajt si avokat kryesisht Valentina Teodoreskun.
Veliaj kërkonte që të zbatohej i njëjti standard i zbatuar me të pandehur të tjerë që kanë bërë të njëjtën kërkesë.
“Duke patur parasysh mënyrën e ndryshme të vendimmarrjes së kësaj Gjykate për procedimin kundër të pandehurit Erion Veliaj si dhe nevojën për të garantuar trajtim të barabartë të të pandehurve në zbatimin e nenit 34/a dhe 327 pika 2 dhe 3, mbi të drejtën e njohjes dhe marrjes së kopjes së akteve, personalisht nga i pandehuri, konstatojmë se qëllimi i kësaj kërkese është të vendoset i njëjti standard për mënyrën e procedimit dhe palët pjesëmarrëse në gjykimin e pranë kësaj Gjykate“, thuhej në kërkesë.
Lini një Përgjigje