FLASH
Shkruar nga Pamfleti
Arben Meçe ngre alarmin: Hetime të thelluara zbulojnë skema financimi të errëta pas lobimit të Partisë Demokratike në Uashington.
Një skandal i ri po trondit themelet e opozitës shqiptare. Ish-deputeti Arben Meçe ka denoncuar me forcë kontratën e lobimit të Partisë Demokratike në SHBA, duke e cilësuar atë si një “çështje më të rëndë se vetë shpalljet 'non grata'” ndaj liderëve politikë shqiptarë. Sipas Meçes, kjo kontratë nuk është thjesht një veprim formal lobimi, por një operacion i mirë-organizuar që mund të ketë përshirë para të pista dhe financime të pashpjeguara.
Dokumentet që qarkullojnë në median nderkombëtare dhe burime të sigurta hetimore tregojnë se PD ka paguar qindra mijëra dollarë përmes kompanive në SHBA pa përmbushur detyrimet ligjore të deklarimit në Shqipëri dhe SHBA. Këto pagesa dyshohet se janë mundësuar përmes një rrjeti kompanish ofshore dhe individësh me lidhje të errëta financiare, duke hapur skenarë seriozë për pastrim parash dhe ndikim të paligjshëm në politikën amerikane.
"Këtu nuk është vetëm çështje morale, por është shkelje e rëndë ligjore me pasoja ndërkombëtare," u shpreh Arben Meçe, duke kërkuar hetim të thelluar kombëtar dhe ndërkombëtar.
Nëse akuzat vërtetohen, Partia Demokratike jo vetëm që rrezikon të humbasë mbështetjen në arenën ndërkombëtare, por edhe të përballet me pasoja penale për individët që kanë firmosur ose dirigjuar këtë operacion lobimi.
Pamfleti.net do të vijojë të investigojë në thellësi për lidhjet mes kontratës së lobimit, burimeve të financimit dhe interesave që mund të fshihen pas kësaj skeme që rrezikon të tronditë seriozisht spektrin politik shqiptar./Pamfleti
Lini një Përgjigje