FLASH
Shkruar nga Pamfleti
Një pallat 12-katësh është konfiskuar në Tiranë, pas një aksioni të përbashkët mes Policisë së Shtetit dhe strukturave të Inspektoratit të Mbrojtjes së Territorit (IMT).
Siç njofton Policia kati i 10-të, i 11-të dhe një pjesë e katit të 12-të ishte ndërtuar pa leje.
Po ashtu, u konstatua se objekti ishte vënë në shfrytëzim, pa certifikatë përdorimi.
“Nga verifikimet e kryera rezultoi se ishte ndërtuar në tejkalim të lejes së ndërtimit, kati i 10 dhe i 11 i objektit 9-katësh dhe një pjesë e katit të 12 të tij. Gjithashtu, u konstatua se objekti ishte vënë në shfrytëzim, pa certifikatë përdorimi. Referuar Aktit Normativ Nr. 8, datë 01.10.2025, tejkalimi rezultoi mbi pragun ligjor 10% të parashikuar për masën e konfiskimit për interes publik”, thuhet në njoftimin e bluve.
Materialet procedurale iu referuan Prokurorisë, për veprime të mëtejshme.
Gjithashtu, specialistët e Sektorit për Hetimin e Krimeve Ekonomiko-Financiare në Departamentin e Policisë Kriminale dhe shërbimet e Komisariatit të Policisë Nr. 4 Tiranë, kanë referuar disa herë materiale procedurale në Prokurori, për shkelje të konstatuara në këtë objekt.
Lini një Përgjigje