FLASH
Shkruar nga Pamfleti
Ish-presidenti Alfred Moisiu, teksa ka komentuar punën e SPAK tha se e vlerëson punën e bërë deri më tani nga Prokuroria e Posaçme Antikorrupsion, ndërsa shprehet se ka besim te kjo strukturë.
Por sipas tij, në sistemin e drejtësisë duhen futur njerëz që mendojnë vetëm për detyrën dhe jo për veten. Moisiu nuk kursen as kritikat, i cili thotë se puna e Prokurorisë së Posaçme është e ngadaltë.
“Unë kam besim tek SPAK-u i famshëm që është bërë, biles unë e kam kritikuar për ngadalësi. Kam kritikuar dhe që njerëzit që do punojnë në drejtësi, duhet të jenë njerëz të çliruar nga disa mentalitet dhe duhet të mendojnë vetëm për detyrën. Ne jemi një vend i vogël dhe ti nuk je vetëm ti, ke një grua, ke një motër, ke një vëlla, një djalë a vajzë. Këta janë ustallarë, pasi sulmojnë ato dhe jo ty, që të ndjesh ti dhimbjen dhe të kesh presion familjar në fisin tënd. Duhen zgjedhur njerëz që janë të vendosur. Njerëzit duhen trajtuar me kujdes dhe pikërisht këtu e kam ngritur unë çështjen. Në drejtësi duhen çuar njerëz që në radhë të parë e stakojnë mendjen nga gjërat e tjera dhe mendojnë vetëm për detyrën. Zëre se janë në Sahara se ndryshe nuk e bëjnë dot”, tha ai në një podcast.
Lini një Përgjigje