FLASH
Shkruar nga Pamfleti
Një ngjarje e rëndë është zbuluar ditën e sotme në qytetin e Pogradecit, ku Policia ka ndaluar një 29-vjeçar, nën dyshimet se ky i fundit kishte kryer marrëdhënie intime me një 12-vjeçare.
Sociologu Edmond Dragoti, në lidhje me këtë ngjarje është shprehur se përgjegjëse është edhe e ëma e vajzës, e cila e denoncoi ngjarjen vetëm pasi u nda nga i ati i të riut, me të cilin bashkëjetonte.
Dragoti tha se raste të tilla duhet të denoncohen që në fillim, sepse në të kundërt mund të përsëriten dhe të bëhen të vazhdueshme.
Ai tha se vetëm një përqindje e vogël e këtyre rasteve denoncohen, pasi sipas tij, shumica mbyllen brenda për brenda rrethit të personave pjesëmarrës.
“Kanë abuzuar e ëma, djali, bashkëjetuesi, i ati i djalit e me radhë. Shoqëria duhet të mbajë qëndrim në këto raste dhe Policia duhet të jetë më e qartë e më e sigurt në veprimet e veta. Sepse ngjarje të kësaj natyre mbyllen shpesh brenda për brenda.
Fakti që e ëma ka denoncuar vetëm kur është ndarë me babain e tij, tregon se edhe ajo nuk ka dashur të denonconte. Sepse paragjykohen fëmijët dhe shkatërrohet e ardhmja e tyre në raportet shoqërore.
Ndërgjegjësimi duhet të jetë pikërisht në këtë pikë sepse raste të tilla duhet të denoncohen që në fillim, pasi mund të bëhen të vazhdueshme”, tha Dragoti në “Euronews”.
Lini një Përgjigje